Журналісту Яўгену Меркісу далі чатыры гады калоніі ўзмоцненага рэжыму
Сёння ў Гомелі абвясцілі прысуд гомельскаму журналісту і краязнаўцу Яўгену Меркісу.
Фінальнае судовае пасяджэнне, на якім суддзя Аляксей Хлышчанкоў агучыў вырак, прайшло ў адкрытым фармаце. Абвінавачаны меў права на апошняе слова, чым Яўген і скарыстаўся. Паводле інфармацыі «Штодня», журналіст захоўвае бадзёры настрой і перакананы ў сваёй рацыі.
Яўгена Меркіса абвінавацілі паводле ч. 1 і ч. 2 арт. 361-4 КК (Прапаганда экстрэмісцкай дзейнасці), а таксама ч. 3 арт. 361-1 КК (удзел у экстрэмісцкім фармаванні) і асудзілі на чатыры гады калоніі ўзмоцненага рэжыму.
Праваабаронцы прызналі Яўгена палітвязнем.
Нядаўна стала вядома, што чатыры дні журналіст правёў у карцары СІЗА-3. Такімі жорсткімі ўмовамі ўтрымання яго пакаралі за тое, што ён «не пагаліўся».
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока3
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары