Экс-кіраўнік ЦРУ параіў Прыгожыну не падыходзіць да незавешаных вокнаў у Беларусі
Кіраўнік ПВК «Вагнер» Яўген Прыгожын спыніў мяцеж праз тое, што ў яго здалі нервы, як мяркуе Дэвід Петрэус.
Кіраўнік расійскай прыватнай вайсковай кампаніі «Вагнер» Яўген Прыгожын спыніў мяцеж праз тое, што ў яго здалі нервы. Такое меркаванне выказаў экс-дырэктар ЦРУ і генерал арміі ЗША ў адстаўцы Дэвід Петрэус.
«Ён быў… прыкладна за дзве гадзіны язды ад ускраін Масквы, дзе пачыналі рыхтаваць абарончыя пазіцыі. Гэта паўстанне, хоць і выклікала апладысменты, не выклікала той падтрымкі, на якую ён спадзяваўся. І зноў ён вырашыў прыняць угоду. Ён адмовіўся ад гэтых намаганняў», — цытуе яго «Голас Амерыкі».
Петрэус мяркуе, што Пуцін мог збегчы ў той момант са сталіцы. «Я думаю, што ўрад пахіснуўся. Пуцін асабіста пахіснуўся. Гэта робіць яго больш уразлівым, чым калі-небудзь за два дзесяцігоддзі яго праўлення Расійскай Федэрацыяй. Хто ведае, куды гэта можа пайсці цяпер», — дадаў генерал.
На думку былога дырэктара ЦРУ, Прыгожыну ўдалося захаваць сваё жыццё, аднак ён страціў ПВК. «І яму варта быць вельмі асцярожным ля незавешаных вокнаў у новым месцы ў Беларусі, куды ён збіраецца», — падкрэсліў Петрэус.
***
23 чэрвеня Прыгожын абвясціў, што ідзе «на Маскву», бо не хоча, каб краіна жыла «ў карупцыі і хлусні». Ён заклікаў не супраціўляцца наймітам, інакш яны будуць знішчаць усіх, хто ім будзе замінаць.
Ужо раніцай «вагнераўцы» ўзялі пад кантроль частку вайсковых аб'ектаў Растова-на-Доне і высунуліся ў бок Масквы, прайшоўшы Варонежскую, Ліпецкую і Тульскую вобласці.
У Расіі распачалі супраць яго справу, Пуцін назваў гэта здрадай, а ў Маскве і вобласці ўвялі рэжым контртэрарыстычнай аперацыі.
Аднак ужо ўвечары Прыгожын абвясціў, што разварочвае калоны і ідзе назад. У Крамлі заявілі, што справу супраць яго закрыюць, сам верхавод ПВК «пойдзе ў Беларусь». Таксама яны паабяцалі не пераследаваць яго наймітаў. Гэта стала нібыта следствам перамоваў Прыгожына з Аляксандрам Лукашэнкам. Таксама стала вядома, што калоны ПВК «Вагнер» могуць пайсці ў Беларусь.
Чытайце таксама:
«Фенаменальны выбар Прыгожына…» Падаляк — пра мяцеж кіраўніка ПВК «Вагнер» і карысць ад яго
Цяпер чытаюць
Сёстры Груздзевы цяпер важаць пад 100 кілаграмаў кожная20
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары
https://dck8xvlq18iei.cloudfront.net/320046
Если его закажут, есть более тихие способы убийства, чем снайпер