У Беларусі забаранілі прадаваць папулярную настольную гульню «Манаполія. Расія» для дзяцей ва ўзросце ад 8 гадоў і старэйшых. Інфармацыю пра гэта дала прэс-служба Дзяржстандарту. Палітыка тут нібыта ні пры чым, вытворцы гульні не выканалі тэхнічных патрабаванняў.
У такіх гульнях для дзяцей тэкст павінен быць надрукаваны кантрасным колерам адносна фону, вышыня літар павінна быць не меншай за 2,3 мм для дзяцей ва ўзросце да 10 гадоў і не меншай за 1,75 мм — для дзяцей старэйшых за 10 гадоў, малюнкі (рэльефы) гульняў павінны быць выразнымі (фактычна вышыня літар на гульнявых картках склала ад 1,70 мм да 1,85 мм).
Паколькі гульня «Манаполія. Расія» гэтым правілам не адпавядае, то яе з 30 чэрвеня 2023 года нельга прывозіць і прадаваць у Беларусі.
Каментары