Лукашэнка прыгразіў падрывам БелАЭС і заявіў пра кантрактную армію на аснове вагнераўцаў
Аляксандр Лукашэнка падчас наведвання Камянецкага раёна заявіў, што хоча выкарыстоўваць наймітаў ПВК «Вагнер» у якасці базы для стварэння кантрактнай арміі. Таксама ён згадаў пра ядзерную зброю і Астравецкую АЭС.
«Што тычыцца гэтай прыватнай ваеннай кампаніі (ПВК «Вагнер»). Калі былі гэтыя непрыемныя падзеі, мне давялося ўмешвацца. Бо я разумеў: калі ўспыхне Расія, горача будзе ўсім», — чарговы раз прыгадаў падзеі 23 чэрвеня Лукашэнка.
«Я мушу вучыць сваіх вайскоўцаў, бо войска, якое не ваюе, — гэта напалову войска, вы таксама гэта выдатна разумееце. Ваяваць я не хачу. Я не хачу, каб гінулі нашы хлопцы. Таму трэба іх вучыць. Вось яны і перадаюць свой вопыт. Параяць, нешта скажуць. Вельмі задаволеныя нашымі байцамі. Кажуць, гэта вельмі падрыхтаваныя людзі, а самае галоўнае — яны хочуць вучыцца. Таму, знаходзячыся пад Асіповічамі, у цэнтры Беларусі, гэтыя хлопцы нікуды не імкнуцца. Яны прывыклі выконваць загад», — падкрэсліў Лукашэнка.
Ён дадаў, што частка вагнераўцаў засталася ў Расіі, частка будзе ў Афрыцы, а частка застанецца ў Беларусі.
«Гэта была мая ініцыятыва, і я не шкадую. Я хачу пакінуць гэтых хлопцаў ва Узброеных сілах нашай краіны. І, адштурхваючыся ад іх, больш актыўна ствараць кантрактнае войска», — сказаў Лукашэнка.
Ён адзначыў, што баевікі «Вагнера» — вопытныя байцы, не тое, што салдаты тэрміновай службы беларускага войска.
«У нас жа салдаты, прызвалі, адслужыў паўтара года — сышоў. Сам быў такі. Зялёныя хлопцы, 18 гадоў. А там дасведчаныя людзі, там у асноўным афіцэры, гэта іх прафесія — ваяваць або абараняць краіну. Гэта і танней. Таму мы прыглядаемся да гэтага вопыту, каб у будучыні сябе абараніць. Толькі ў гэтым наша мэта», — растлумачыў ён.
Таксама Лукашэнка згадаў і ядзерную зброю.
«Вы павінны разумець, што ядзерная зброя — гэта бяспека. На ядзерную краіну яшчэ ніколі ніхто не нападаў. У нас атамная станцыя. Гэта, я вам мушу сказаць, вельмі моцны фактар бяспекі.
Калі рване, не дай божа, то мала не падасца і там (на Захадзе) у тым ліку. З гэтай справай трэба быць вельмі асцярожным».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў8
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары