«Адразу на заводзе «мордай у падлогу», каб усе бачылі». Сталі вядомыя падрабязнасці масавых затрыманняў у Бярозаўцы
Падрабязнасці таго, што адбываецца на шклозаводзе «Нёман» у Бярозаўцы пад Лідай, паведамляе тэлеканал «Белсат» на падставе сведчання сваёй крыніцы, знаёмай з сітуацыяй.
«Каля 10 чалавек затрыманых на заводзе. Выводзяць паказальна ў кайданках у суправаджэнні сілавікоў. Гэта значыць, позвай не выклікаюць, а адразу на заводзе «мордай у падлогу», каб усе бачылі і баяліся штосьці патрабаваць ці выказваць. Даюць «суткі» і адпраўляюць працаваць на сметнік у Сцеркава (Лідскі раён).
Людзі хочуць пайсці ў адпачынкі, а ім не даюць. Шмат замоваў — «распранайся і працуй». Вось і пачалі мужыкі абурацца парушэннямі іх працоўных правоў, дык іх па адным цяпер затрымліваюць.
У 2022 годзе заробкі ў «гарачых» цэхах складалі 800-1000 рублёў, што даволі мала, улічваючы цяжкасць працы і шкоду для здароўя. Нядаўна пачыналася хваля незадавальнення заробкамі, то ім, як кажуць у народзе, «кінулі костку» ў выглядзе 100 рублёў даплаты», — паведамляе крыніца «Белсата».
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары