«Adrazu na zavodzie «mordaj u padłohu», kab usie bačyli». Stali viadomyja padrabiaznaści masavych zatrymańniaŭ u Biarozaŭcy
Padrabiaznaści taho, što adbyvajecca na škłozavodzie «Nioman» u Biarozaŭcy pad Lidaj, paviedamlaje telekanał «Biełsat» na padstavie śviedčańnia svajoj krynicy, znajomaj ź situacyjaj.
«Kala 10 čałaviek zatrymanych na zavodzie. Vyvodziać pakazalna ŭ kajdankach u supravadžeńni siłavikoŭ. Heta značyć, pozvaj nie vyklikajuć, a adrazu na zavodzie «mordaj u padłohu», kab usie bačyli i bajalisia štości patrabavać ci vykazvać. Dajuć «sutki» i adpraŭlajuć pracavać na śmietnik u Ścierkava (Lidski rajon).
Ludzi chočuć pajści ŭ adpačynki, a im nie dajuć. Šmat zamovaŭ — «raspranajsia i pracuj». Voś i pačali mužyki aburacca parušeńniami ich pracoŭnych pravoŭ, dyk ich pa adnym ciapier zatrymlivajuć.
U 2022 hodzie zarobki ŭ «haračych» cechach składali 800-1000 rubloŭ, što davoli mała, uličvajučy ciažkaść pracy i škodu dla zdaroŭja. Niadaŭna pačynałasia chvala niezadavalnieńnia zarobkami, to im, jak kažuć u narodzie, «kinuli kostku» ŭ vyhladzie 100 rubloŭ dapłaty», — paviedamlaje krynica «Biełsata».
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny19
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary