У сеціве з'явіліся фатаграфіі расійскага верталёта, які прызямліўся на ўкраінскай авіябазе
Верталёт Мі-8 уваходзіў у склад палка ў Прыморскім краі. Ён прыляцеў на ўкраінскую тэрыторыю 9 жніўня.
Украінскі журналіст і вайсковец УСУ Арцём Шаўчэнка выклаў здымкі расійскага верталёта, які прызямліўся на ўкраінскай авіябазе. Са слоў Шаўчэнкі, пілот «паверыў нашым вайсковым разведчыкам», піша «Медуза».
Верталёт Мі-8 уваходзіў у склад палка ў Прыморскім краі. Ён прыляцеў на ўкраінскую тэрыторыю 9 жніўня, напісаў Шаўчэнка.
«Камандзір экіпажа, малады афіцэр, разумеў з самага пачатку злачыннасць і няправільнасць вайны, развязанай яго агрэсіўнай дзяржавай, паверыў нашым ваенным разведчыкам і паспяхова пераляцеў на бок дабра», — дадаў Шаўчэнка.
Пра тое, што на ўкраінскай авіябазе прызямліўся расійскі верталёт Мі-8, стала вядома 23 жніўня. «Украінская праўда» са спасылкай на крыніцы пісала, што ўкраінская вайсковая разведка выманіла пілота Мі-8 ва Украіну, туды ж нібыта вывезлі ягоную сям'ю.
У сваю чаргу блізкі да Мінабароны РФ тэлеграм-канал Fighterbomber пісаў, што экіпаж «з нейкіх прычын страціў арыенціроўку і перасек лінію». Пасля прызямлення, па версіі Fighterbomber, двое членаў экіпажа загінулі, камандзір быў паранены.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі17
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары