Расказваючы пра свае ўзаемаадносіны з Яўгенам Прыгожыным і гарантыі бяспекі для яго, Лукашэнка сярод іншага расказаў, якім складаным шляхам яму даводзіцца звязвацца з Пуціным.
Падчас мяцяжу Яўгена Прыгожына і перамоў з ім, паводле Лукашэнкі, абмяркоўваліся толькі два пытанні: спыненне крымінальных спраў у дачыненні да вагнераўцаў і іх вывад у Беларусь,
«Гэта я прапанаваў. Кажу: «Калі вы чагосьці баіцеся, я буду размаўляць з прэзідэнтам Пуціным, мы вас выведзем у Беларусь. Мы вам гарантуем у Беларусі поўную бяспеку». І трэба аддаць належнае, Жэня Прыгожын ніколі не прасіў мяне асобна надаць увагу пытанням бяспекі», — падкрэсліў Лукашэнка.
А пасля расказаў пра тое, якім чынам ён падымаў прыгожынскія праблемы перад Пуціным, з чаго можа зразумець, што прамога выхаду на расійскага правадыра ў Лукашэнкі няма:
«Я вам проста прывяду яшчэ адзін прыклад. Апошні раз, калі мы лёталі ў Эміраты, да мяне патрапіла вельмі сур'ёзная інфармацыя ад крыніц, глыбей якіх не бывае, аб замаху на Яўгена Прыгожына. На працягу дзвюх гадзін (я даручыў) знайшлі амбасадара Расіі ў Эміратах, выклікалі яго да мяне. Я перадаў яму шыфраграму ў Крэмль Пуціну і Бортнікаву аб падрыхтоўцы замаху на Прыгожына».
Чытайце таксама:
Лукашэнка: Я і не павінен гарантаваць бяспеку Прыгожына. А вагнераўцы «нікуды не бягуць»
Пяскоў заявіў, што расійская дзяржава не фінансавала ПВК «Вагнер». Пуцін раней гаварыў зусім іншае
Вось чаго вартыя гарантыі бяспекі, дадзеныя Лукашэнкам — Ціханоўская
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары