Наўседа не стаў уносіць у Сейм праўкі аб уніфікацыі правоў беларусаў і расіянаў
Прэзідэнт Літвы заклікае перагледзець правілы атрымання часовага віду на жыхарства грамадзянамі Беларусі
Прэзідэнт Літвы падкрэслівае, што для бяспекі жыхароў Літвы неабходна перагледзець парадак, пры якім у грамадзян Беларусі застаецца больш магчымасцяў, у параўнанні з грамадзянамі Расіі, для ўезду ў Літву і атрымання тут часовага дазволу на жыхарства, паведамляе LRT.
«Спадзяюся, што зноў вернуцца да прававога статусу перамяшчэння грамадзян Беларусі і Расіі праз нашу мяжу, статусу іх дазволу на жыхарства ў Літве. Сёння мы жывем у напружанай атмасферы, калі нам даводзіцца быць максімальна гатовымі да магчымых правакацый, магчымых спробаў дэстабілізаваць нашу ўнутрыпалітычную сітуацыю. Яна сапраўды далікатная. Мы павінны прыкласці ўсе намаганні, каб людзі ў нашай краіне маглі жыць бяспечна», — заявіў прэзідэнт Літвы журналістам.
Аднак сярод праектаў, якія ўносяцца ім на восеньскую сесію, няма паправак, якія тычацца ўніфікацыі правілаў для грамадзян Расіі і Беларусі.
Сейм пачне сваю восеньскую сесію 10 верасня.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары