Кірылу Янкоўскаму было ўсяго 24 гады. Ён заснуў за рулём.
Смяротнае ДТЗ здарылася раніцай 9 верасня на трасе М6. Кірыл Янкоўскі ехаў на Volkswagen Touran і паблізу вёскі Балі Шчучынскага раёна заснуў за рулём і ўрэзаўся ў металічны адбойнік. З цяжкімі траўмамі яго шпіталізавалі ў бальніцу, але выратаваць не змаглі.
Кірыл Янкоўскі быў вядомым гродзенскім ілюзіяністам і вядоўцам, піша hrodna.life.
Кірыл прапаноўваў «чароўнае шоу ў жанры камедыйнай магіі». Пра сябе ён казаў: «Ілюзіяніст, фокуснік, прыгажунчык, майстар ілюзій, абаяння, трукаў і не толькі». «Шоу інтэрактыўнай магіі», або «Stand Up Magic Show», здзівіць гледачоў неверагоднымі трукамі, ашаламляльным гумарам і імправізацыяй з залай», — абяцаў ён.
Хлопец працаваў пераважна з картачнымі фокусамі. Удзельнічаў у міжнародным фестывалі «Magic show».
Гродзенцы ўспамінаюць пра яго ў сацыяльных сетках як пра таленавітага і добрага чалавека.
11 верасня Кірыла пахавалі на могілках «Аульс».
Каментары