Вядомая оперная спявачка Маргарыта Ляўчук далучылася да ўкраінскай ініцыятывы дзеячоў мастацтва, якія даюць канцэрты на фронце.
«Я ўступіла ў шэрагі «Культурнага дэсанту» і еду на фронт з канцэртамі, спяваць для абаронцаў Украіны. Дзякуй Коля (украінскі тэлевядучы і музыка Коля Сярга. — НН) за запрашэнне! Для мяне гэта вялікі гонар! Разам да перамогі! Слава Украіне! Жыве Беларусь!» — напісала Маргарыта ў інстаграме.
«Культурны дэсант» — гэта аб'яднанне дзеячаў мастацтва ва Украіне, якія ездзяць выступаць на лінію фронту, у шпіталі, у дэакупаваныя раёны. Усяго, як адзначаецца на сайце ініцыятывы, было дадзена 2000 канцэртаў. Мэта музыкаў — псіхалагічна падтрымаць вайскоўцаў.
Маргарыта Ляўчук не так даўно, у жніўні, ездзіла ва Украіну. Тады яна завітала да байцоў палка Каліноўскага і выступала для беларускіх добраахвотнікаў.
Цяпер чытаюць
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў1
Каментары