У Наваполацку людзей змушаюць прыносіць вопратку для дзяцей, вывезеных з акупаваных тэрыторый Украіны
Ліст пра тое, як у школах і на прадпрыемствах збіраюць грошы, ежу, вопратку для дзяцей, незаконна вывезеных з Украіны ў Беларусь, даслаў наш чытач.
«Ежу [просяць прыносіць]. Вопратку. Адзенне. Канцылярскія рэчы, сшыткі. Бацькам кажуць, каб дзеці прынеслі ў школу што-небудзь з пералічанага. Робяць такім чынам грамадства прымусова датычным да гэтага злачынства праз удзел у гэтых, зверху гарвыканкамам скінутых акцый.
Гэтым яны хочуць паказаць праз гэтыя прапагандысцкія дзеі, што грамадская супольнасць актыўна падтрымлівае і ўдзельнічае.
Такім чынам па-езуіцку замазваюць людзей у датычнасці да гэтага злачынства, каб выставіць гэта чымсьці светлым. Што яны ратуюць дзяцей ад вайны. І грамадства гэта падтрымлівае», — піша чытач.
Таксама ён дадае, што паборы цяпер ідуць амаль на ўсё, чым раней займаліся актывісты або грамадскія арганізацыі, якія былі выціснуты з краіны або атрымалі забарону на актыўнасць.
Паводле чытача, былі абʼявы ў бацькоўскіх чатах прыносіць нават ежу. «Прыносілі ў школы для пажылых людзей, каб БРСМ разносіў гэтае для дзяцей Данбаса, Луганска. Таксама акцыі ладзяць у школах: прынесці жменю кашачага або сабачага корму, каб паклапаціцца пра бяздомных жывёл — катоў і сабак. Усім гэтым грузяць цяпер школы і бюджэтныя арганізацыі», — дадае ён.
«Карціна алеем. «Алей» ліецца з усіх бакоў шчыльна», — рэзюмуе чытач.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары
а дыпламаты, что тыя лукашэнкаўскія чыноўнікі