Раней БелТА сцвярджала, што Украіна стала калоніяй Польшчы. Цяпер пішуць наадварот
Афіцыйнае беларускае агенцтва намалявала жудасную карціну міжнароднага становішча Польшчы, якая ператварылася ў васала Украіны.
Беларускае інфармацыйнае агенцтва БелТА ў сваім ютуб-канале размясціла інтэрв'ю з польскім блогерам Томашам Грыгуцем (Tomasz Gryguć). БелТА называе яго «Грыгучам».
Грыгуць сцвярджае, што апошнія прэзідэнцкія выбары ў ЗША былі сфальсіфікаваныя, і пра гэта «ведае ўвесь свет, але не хоча гаварыць уголас». Насамрэч, выбары не былі сфальсіфікаваныя, а падлік галасоў быў сумленны, што пацвярдзілася пры перападліку.
Цяпер, напарэдадні новых выбараў «у выбарчай барацьбе Байдэн-Трамп шанцы ў Трампа ўзрастаюць, — мяркуе паляк. — Адміністрацыі трэба было прыняць рашэнне, што ім рабіць з Украінай. Украіна — гэта абуза ў кампаніі. Так што ці адсунем яе ўбок ці працягнем моцна нагнятаць супраць Расіі. Хутчэй за ўсё, такое рашэнне прынятае. Яны будуць нагнятаць.
А калі нагнятаць, то зробяць усё для таго, каб фінансавая нагрузка лягла на плечы амерыканскіх васалаў, а не амерыканскага бюджэту. Таму Польшча будзе набываць зброю, даваць яшчэ больш грошай. Я думаю, Польшча — самы буйны донар Украіны. Мы, фактычна, васалы», — заяўляе Грыгуць.
«Вы разумееце, браты-беларусы, браты-рускія, што зрабілі з Польшчай? Мы — васалы Украіны. Вы разумееце маштаб нашага падзення? — наракае Грыгуць. — Я патрыёт, люблю Польшчу, як вы любіце Беларусь. І калі мы бачым, што адбываецца, што яны зрабілі з Польшчай, то баліць сэрца. Мы ператварыліся ў васалаў чорнай дзіркі Еўропы».
Томаш Грыгуць скончыў факультэт паланістыкі Варшаўскага універсітэта, працаваў журналістам і ў PR-індустрыі. У Польшчы ён больш вядомы пад сваім блогерскім нікам Pan Nikt (Спадар Ніхто). Пад гэтым псеўданімам Грыгуць друкуе кнігі і такую назву мае яго канал у ютубе, дзе больш за 45 тысяч падпісчыкаў.
Грыгуць вядомы сваімі крайне антыукраінскімі выказваннямі, якія звычайна паўтараюць тэзісы расійскай прапаганды. Грыгуць з пачатку гэтага года з'яўляецца пастаянным госцем розных прапагандысцкіх праграм у беларускіх дзяржаўных СМІ.
Чытайце яшчэ:
У Гомелі прапаганда стварыла кіберпенсіянерку, каб хваліла жыццё пры Лукашэнку
Лукашэнка нервова пракаментаваў візіт Ціханоўскай у Кіеў45
Каментары