У матчы 25-га тура футбольнага першынства Узбекістана «Пахтакор» перамог «Сурхон» з Тэрмеза з лікам 2:1.
Павел Паўлючэнка. Фота: football.by
Вароты «Пахтакора» абараняў беларус Павел Паўлючэнка.
Ташкенцкі клуб за тур да фінішу апярэджвае «Насаф», які ідзе другім, на 6 балаў.
«Пахтакор» 16-ы раз выйграў чэмпіянат краіны.
Павел Паўлючэнка перайшоў у «Пахтакор» улетку, перад гэтым ён гуляў за польскія «Тэрмаліцы». Ён правёў за ташкенцкі клуб ва ўсіх турнірах, у тым ліку ў азіяцкай Лізе чэмпіёнаў, сем матчаў. Прапусціў тры галы.
Павел — гулец нацыянальнай зборнай. Ён абараняў вароты ў матчы супраць Косава і адстаяў на нуль.
Каментары