Еўрапейскі клуб зарабіў на продажы піва больш, чым на трансферы футбалістаў
«Я не бачу нідзе ў Еўропе, каб клуб зарабляў на піве больш, чым на футбалістах», — кажа журналіст Том Кніпінг.
Гадавыя паказчыкі ФК «Твэнтэ» (Энсхэдэ), які выступае ў вышэйшым дывізіёне Нідэрландаў, паказалі, што клуб атрымаў чысты прыбытак пяць мільёнаў еўра. Даходы ад грамадскага харчавання таксама рэзка выраслі і дасягнулі абароту не меншага за 10,5 мільёнаў еўра, піша Twente Insite.
Трансферы Вацлава Чэрнага, Джэйдэна Астэрволдэ і Каспера Старынга прынеслі 6 442 000 еўра. Калі адмінусаваць выдаткі, сярод іншага, на амартызацыю камісій і іншыя патрэбы, то чысты прыбытак ад трансфераў складзе 3 751 000.
Што грамадскага харчавання, то «Твэнтэ» дасягнуў абароту ў 10,5 мільёнаў еўра, але з гэтага яшчэ трэба адняць выдаткі на закупкі і заробак персаналу. Па словах журналіста Тома Кніпінга, гэтыя выдаткі складаюць каля 4,5 мільёнаў еўра.
Калі адняць гэта з абароту, то прыбытак на піве і грамадскім харчаванні складзе не менш за 6 мільёнаў еўра.
Гэта прыводзіць да дзіўнай высновы, што «Твэнтэ» зарабляе больш грошай ад даходаў ад грамадскага харчавання, чым ад трансферных даходаў. Па словах журналіста Тома Кніпінга, гэта вельмі характэрна.
«Дзіўна, што «Твэнтэ» зарабляе больш грошай на піве, чым на гульцах. Я не бачу нідзе ў Еўропе, каб клуб зарабляў на піве больш, чым на футбалістах», — заключае ён.
У сёлетнім чэмпіянаце «Твэнтэ» ідзе на 3-м месцы, наперадзе толькі ПСВ і «Феенорд».
У рэйтынгу футбольных ліг чэмпіянат Нідэрландаў, паводле УЕФА, на пятым месцы.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары