У футбольнай Суперлізе Еўропы будзе тры дывізіёны, першы сезон пачнецца ў 2025 годзе
Суперліга Еўропы пасля вердыкту суда Еўрапейскага саюза прэзентавала фармат правядзення новага турніру.
Турнір будзе адкрытым, адбор удзельнікаў будзе базавацца на спартыўным прынцыпе. Паралельна клубы будуць удзельнічаць у нацыянальных чэмпіянатах.
Мужчынскі турнір будзе складацца з 64 камандаў, жаночы — з 32 камандаў. Матчы будуць праходзіць у сярэдзіне тыдня.
На дадзены момант у праекце Суперлігі толькі «Рэал» і «Барселона».
Суперліга будзе ўключаць тры дывізіёны. Пастаянных удзельнікаў у турніры не будзе, піша football.by.
Турнір будзе складацца з рэгулярнага чэмпіянату і плэй-оф. У рэгулярным турніры клубы будуць гуляць два кругі ў групах па 8 каманд.
Суперліга Еўропы можа стартаваць у сезоне-2025/26. Удзельнікі першага розыгрышу будуць вызначаныя на падставе індэкса, у аснову якога лягуць вынікі клубаў.
Разам з тым каманды чэмпіянату Англіі не змогуць удзельнічаць у турніры.
Інакш яны не змогуць удзельнічаць у нацыянальным першынстве. Вялікабрытанія выйшла з ЕС у 2020 годзе. Рашэнне Еўрапейскага суда не распаўсюджваецца на англійскія каманды.
Сёння Еўрапейскі суд прызнаў дзеянні УЕФА па блакіроўцы Суперлігі незаконнымі.
«У арганізацый няма манаполіі на правядзенне клубных спаборніцтваў у Еўропе: цяпер Суперліга афіцыйна можа быць створана ў адпаведнасці з Еўрапейскім законам», — гаворыцца ў рашэнні суда.
***
Аб стварэнні Суперлігі Еўропы было абвешчана ў пачатку красавіка 2021 года. Клубамі-заснавальнікамі выступілі англійскія «Манчэстэр Юнайтэд», «Манчэстэр Сіці», «Ліверпуль», «Чэлсі», «Арсенал», «Тотэнхэм», іспанскія «Барселона», «Рэал», «Атлетыка», «Ювентус», «Інтэр» і «Мілан». Прэзідэнтам лігі стаў Фларэнціна Перэс, які займае аналагічную пасаду ў «Рэале».
Аднак адразу клубы сутыкнуліся з хваляй негатыву як з боку іншых клубаў, так і з боку фанатаў, кіраўнцітва сваіх лігаў, а УЕФА таксама адразу паабяцала прымяніць санкцыі і да іх гульцоў, у прыватнасці, забараніць выступаць за зборныя, і праект Суперлігі тады быў прыпынены.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак16
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары