Гэты еўрапейскі клуб адзіны, хто выйграў усе матчы нацыянальнага чэмпіянату ў сезоне 2023/2024
Каманда таксама мае фантастычную розніцу забітых і прапушчаных мячоў.
Фота: Joris Verwijst / BSR Agency / Getty Images
ПСВ з Эйндховена (Нідэрланды) перамог у 16 з 16 матчаў нацыянальнага футбольнага першынства. Учора ПСВ разграміў у гасцях AZ з Алкмаара 4:0 і сыходзіць на зімовыя канікулы абсалютным лідарам.
У клуба таксама фантастычная розніца забітых і прапушчаных мячоў: 56:6.
Столькі не забіваў і не прапускаў аніводны клуб з топ-10 еўрапейскіх чэмпіянатаў.
У Лізе чэмпіёнаў у дружыны з Эйндховена таксама ўсё акей. Каманда выйшла ў плэй-оф з другога месца, прапусціўшы наперад «Арсенал».
Каментары