Гэта францужанка — самая багатая жанчына ў свеце. Яе багацце перавысіла 100 мільярдаў даляраў
Франсуаза Бетанкур Маерс — самая багатая жанчына ў свеце. Яна атрымала ў спадчыну L'Oréal ад сваёй маці Ліліян Бетанкур, якая таксама была самай багатай жанчынай, але яе багацце на момант смерці складала каля $40 мільярдаў.
Унучка заснавальніка кампаніі L'Oréal і намесніца старшыні яе рады дырэктараў Франсуаза Бетанкур Маерс стала першай жанчынай у свеце, чыё багацце перавысіла $100 млрд, паведамляе РБК са спасылкай на Bloomberg.
Згодна з Bloomberg Billionaires Index яе багацце склала 28 снежня $100,2 млрд (12-е месца ў свеце, у Бернара Арно — самага багатага чалавека планеты — 182 млрд).
Forbes пакуль ацэньвае багацце Маерс у $99,6 млрд (14-е месца), але адзначае, што яна з'яўляецца самай багатай жанчынай у свеце.
Як піша Bloomberg, на багацце бізнэсвумен паўплываў рост акцый L'Oréal да рэкорднага ўзроўню, паказчыкі сталі найлепшымі з 1998 года.
70-гадовая Маерс і яе сям'я валодаюць доляй амаль у 35%. Сыны Франсуазы — Віктор-Жан і Нікаля — уваходзяць у лік кіраўнікоў кампаніі (першы з'яўляецца сябрам камітэта па ўстойлівасці і стабільнасці, другі — камітэта аўдыту).
***
L'Oréal заснаваў у 1909 годзе хімік Эжэн Шулер для вытворчасці і продажу распрацаванай ім фарбы для валасоў. Яго дачка і маці Франсуазы, Ліліян Бетанкур, пасля смерці бацькі ў 1957 годзе атрымала ў спадчыну кампанію. На момант сваёй смерці ў 2017-м у 94-гадовым узросце яна была самай багатай жанчынай у свеце ($39,5 млрд).
Адносіны паміж маці і дачкой былі няпростымі, у апошнія гады жыцця Ліліян яна была ўцягнутая ў судовыя цяжбы са спадчынніцай. У 2007 годзе Франсуаза падала ў суд на фатографа Франсуа-Мары Банье, які быў «пратэжэ» яе маці і якога Бетанкур-малодшая абвінаваціла ў тым, што ён падманам выманіў у Ліліян, якая пакутавала на неадэкватнасць, амаль $1 млрд за 20 гадоў.
У выніку справа разраслося да таго, што ў ёй з'явіўся эпізод, звязаны з былым прэзідэнтам Францыі Нікаля Сарказі, які падчас сваёй перадвыбарнай кампаніі, як сцвярджала следства, атрымаў ад Бетанкур €150 тыс. (па законе ахвяраванне не павінна перавышаць €4,6 тыс.). Гэтыя абвінавачванні былі знятыя.
Банье ж быў прызнаны вінаватым і атрымаў два з паловай гады турмы, а таксама павінен быў выплаціць Бетанкур €158 млн кампенсацыі. Пасля апеляцыі прысуд змякчылі, у тым ліку была адменена кампенсацыя.
«Хочацца сказаць кампаніям з трыльённымі капіталізацыямі і тэхна-візіянерам: хлопцы, а вы не афігелі?»
«Так, гэта вялікая памылка, але высвятляць, хто вінаваты, а хто не, — вельмі небяспечна». Найбагацейшы расіянін, які родам з Беларусі, паспрабаваў апраўдацца за вайну
Расія займае трэцяе месца ў свеце па расслаенні паміж багатымі і беднымі — UBS Global Wealth Report
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары