За год запазычанасць беларускіх прадпрыемстваў перад банкамі вырасла на 16%
Нацыянальны банк паведаміў, што запазычанасць беларускіх суб'ектаў гаспадарання па банкаўскіх крэдытах за 2023 год дасягнула амаль 52,4 млрд рублёў. Гэта прыкладна на 7 млрд перавышае статыстыку гадавой даўнасці, піша Office Life.
Тройка лідараў па крэдытнай запазычанасці не змянілася:
апрацоўчая прамысловасць — каля 27,5 млрд рублёў (рост за год прыкладна на 5 млрд), гандаль — 10,6 млрд (плюс каля 1 млрд) і сельская гаспадарка — 3,6 млрд (плюс 0,5 млрд). Гэта значыць, што на прамысловасць прыпадае больш за палову крэдытнай запазычанасці ў краіне.
Па тэрмінах, нягледзячы на даныя пра рост партфеля доўгатэрміновых крэдытаў у банках, на іх прыпадае прыкладна 25,1 млрд рублёў агульнай сумы запазычанасці. Гэта значыць каля 48%. Асноўны аб'ём — гэта па-ранейшаму кароткатэрміновыя крэдыты (27,3 млрд рублёў).
Раней Нацбанк спрагназаваў, што ў 2024 годзе прырост патрабаванняў банкаў да эканомікі (уключаючы крэдыты прадпрыемствам і насельніцтву) складзе не менш за 10%.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары