Цэлы пасёлак у Гомельскай вобласці перавялі на ацяпленне электрычнасцю
Перавод аграгарадка Вялікі Бор у Хойніцкім раёне на электраацяпленне стаў першым пілотным праектам у Гомельскай вобласці.
«Характэрна, што старт гэтай рабоце дадзены менавіта ў Гомельскай вобласці, дзе прымаюцца комплексныя меры па аднаўленні пацярпелых ад ЧАЭС тэрыторый. Галоўная задача пры гэтым — надаць новы імпульс іх сацыяльна-эканамічнаму развіццю. Ва ўзаемадзеянні з Гомельскім аблвыканкамам плануецца рэалізоўваць аналагічныя праекты і ў іншых малых населеных пунктах рэгіёну», — сказаў міністр энергетыкі Віктар Каранкевіч.
Віктар Каранкевіч падкрэсліў, што з улікам будаўніцтва і ўводу БелАЭС дзяржавай створаны максімальна спрыяльныя ўмовы для пераходу грамадзян на электраацяпленне: дзейнічаюць стымулюючыя тарыфы, ёсць магчымасць кампенсацыі часткі расходаў на ўстаноўку неабходнага абсталявання.
Для задавальнення попыту на электраэнергію энергазабеспячальнымі арганізацыямі праводзяцца работы па мадэрнізацыі электрасетак і падстанцый розных класаў напружання.
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары