У Сяргея Караганава, які заклікаў нанесці «прэвентыўны ядзерны ўдар» па Еўропе, знайшлі кватэру ў Берліне
Паводле інфармацыі Bild, Караганаў валодае кватэрай у раёне Прэнцлаўэр Берг плошчай 52 квадратныя метры і здае яе ў арэнду, атрымліваючы 850 еўраў штомесяц.
У сакавіку 2023 года, піша выданне, Караганаў даведаўся, што неўзабаве трапіць у санкцыйныя спісы, пасля чаго аформіў акт дарэння сваёй долі ў кватэры на жонку, якая цяпер саўладальніца нерухомасці.
Аднак, адзначае Bild, нямецкія ўлады аспрэчылі правамернасць угоды, і яна была прызнаная несапраўднай. Такім чынам, Караганаў застаўся саўладальнікам кватэры, але праз санкцыі не можа атрымліваць з яе прыбытак.
Караганаў знаходзіцца пад санкцыямі ЕС з чэрвеня 2023 года.
Раней раскошную нерухомасць у Еўропе выявілі ў многіх іншых расійскіх палітыкаў і прапагандыстаў, якія на публіку заўзята крытыкуюць Еўропу і расказваюць пра яе дэградацыю. У тым ліку ў зоркі расійскага ТВ Уладзіміра Салаўёва.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні10
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары
Бо вы то цягам чатырох дзясяткаў матэрыялаў хаваеце якогась расійскага кахеіста, які выкінуўся з гаўбца ў Нью-Ёрку, а вельмі даўно яго без ягонага ведама і жадання нарадзілі ў Беларусі, то смуткуеце з нагоды смерці нейкіх расійскіх комікаў. А цяпер пішаце пра кагосьці, хто ўвогуле не на слыху ў беларускай супольнасці. То тлумачце, чаму нам гэта важна і ў чым навіна. Гэта яшчэ Загорская гадоў 7 таму расказвала на азах навінавай журналістыкі, дзе Настасся, дарэчы, таксама прысутнічала.