U Siarhieja Karahanava, jaki zaklikaŭ nanieści «previentyŭny jadzierny ŭdar» pa Jeŭropie, znajšli kvateru ŭ Bierlinie
Pavodle infarmacyi Bild, Karahanaŭ vałodaje kvateraj u rajonie Prencłaŭer Bierh płoščaj 52 kvadratnyja mietry i zdaje jaje ŭ arendu, atrymlivajučy 850 jeŭraŭ štomiesiac.
U sakaviku 2023 hoda, piša vydańnie, Karahanaŭ daviedaŭsia, što nieŭzabavie trapić u sankcyjnyja śpisy, paśla čaho aformiŭ akt dareńnia svajoj doli ŭ kvatery na žonku, jakaja ciapier saŭładalnica nieruchomaści.
Adnak, adznačaje Bild, niamieckija ŭłady asprečyli pravamiernaść uhody, i jana była pryznanaja niesapraŭdnaj. Takim čynam, Karahanaŭ zastaŭsia saŭładalnikam kvatery, ale praz sankcyi nie moža atrymlivać ź jaje prybytak.
Karahanaŭ znachodzicca pad sankcyjami ES z červienia 2023 hoda.
Raniej raskošnuju nieruchomaść u Jeŭropie vyjavili ŭ mnohich inšych rasijskich palitykaŭ i prapahandystaŭ, jakija na publiku zaŭziata krytykujuć Jeŭropu i raskazvajuć pra jaje dehradacyju. U tym liku ŭ zorki rasijskaha TV Uładzimira Sałaŭjova.
Kamientary
Bo vy to ciaham čatyroch dziasiatkaŭ materyjałaŭ chavajecie jakohaś rasijskaha kachieista, jaki vykinuŭsia z haŭbca ŭ Ńju-Jorku, a vielmi daŭno jaho bieź jahonaha viedama i žadańnia naradzili ŭ Biełarusi, to smutkujecie z nahody śmierci niejkich rasijskich komikaŭ. A ciapier pišacie pra kahości, chto ŭvohule nie na słychu ŭ biełaruskaj supolnaści. To tłumačcie, čamu nam heta važna i ŭ čym navina. Heta jašče Zahorskaja hadoŭ 7 tamu raskazvała na azach navinavaj žurnalistyki, dzie Nastaśsia, darečy, taksama prysutničała.