Пад Ляхавічамі ў вясковую краму прыпаўзла змяя. Давялося выклікаць ратавальнікаў
Аказалася, што небяспекі не было.
Фота: Першы рэгіён.
Жыхары аграгарадка Падлессе раніцай выявілі змяю на ганку мясцовай крамы. Далей ад граху, супрацоўнікі вырашылі выклікаць МНС.
Ратавальнікі прыехалі і металічным захопам панеслі змяю далей ад крамы. Выявілася, што гэта быў вуж, які, мабыць, вырашыў пагрэцца на ранішнім сонцы.
Змяю супрацоўнікі МНС выпусцілі ў яе натуральнае асяроддзе. Намеснік начальніка Ляхавіцкага РАНС распавёў, што сёлета гэта быў першы выклік звязаны са змеямі, паведамляе «Першы рэгіён».
Вужы апошнім часам актывізаваліся на Піншчыне. У райцэнтры змеі «акупавалі» набярэжную і абляпілі дрэвы.
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары