«Хоць пажар, а хатняе павінна быць зроблена»: хлопчык рабіў заданне па беларускай мове ў самалёце
Карыстальнікі тыктока ў замілаванні: блогер выклаў відэа, як яго маленькі сусед у самалёце рабіў хатняе заданне. На століку перад школьнікам ляжаў падручнік беларускай мовы.
Ролік апублікаваў блогер, падпісаны ў тыктоку як zara_pro_minsk. Ён удакладніў, што зняў відэа на рэйсе, які ляцеў з Егіпта ў Мінск: «Бедны хлопчык. Урокі перш за ўсё. На вышыні 10 тысяч метраў. Беларускую мову трэба здаць да панядзелка».
Відэа набрала 246 тысяч праглядаў і больш за 9500 каментарыяў. Тых, хто пашкадаваў школьніка, была меншасць. Каментарыі кшталту «Ніколі б так не сапсавала адпачынак дзіцяці» адзінкавыя.
Астатнія замілоўваюцца хлопчыкам і лічаць, што бацькі зрабілі слушна, калі ўзялі ў адпачынак падручнікі: «Нармальнае дзіця з нармальным падыходам да жыцця, цяпер без адукацыі нікуды. Лепш адпачываць на моры, чым сядзець на ўроках, пры гэтым веды будуць», «Калі б не вучыўся, у Егіпет паехалі б рэпетытары».
Асабліва парадаваліся настаўнікі: «Вось ёсць адказныя бацькі. А то некаторыя адзін дзень у школе не былі і ўжо «я не ведаў, што задалі». Я кажу, ты што без інтэрнэту быў, на хутары, на востраве?».
Школьнікі ж зразумелі «калегу»: «У нас такая ж самая настаўніца па беларускай: хоць пажар, а хатняе павінна быць зроблена».
Хтосьці слушна заўважыў, што за тыя 9 гадзін, якія самалёт ляціць з Егіпта ў Мінск, нават гуляць у тэлефоне надакучыць. А так і час пройдзе, і карысць будзе.
Цяпер чытаюць
У Мінску перасабралі Ракаўскае прадмесце. Там ужо гуляюць, фатаграфуюцца і ядуць12
Каментары
📖 Не перастаю зьдзіўляцца, наколькі ж бедны «великий и могучий язык» — язык Пушкинка, Бабарики й Колесниковой! І ўсей гэнай іхняй пасты, што жаруць да лапаты белбульбу, але родную белмову за столькі гадоў незалежнасьці так і не агорылі.
🦴 «Бедный ребёнок. Рейс Египет — Беларусь» — хтосьці напісаў згодна з правіламі мовы-акупантаўкі, зацемлю, правільна. Але дзе тутака навогул у іх лёгіка? Бо бедны гэта гэта тэй, «кто не может нормально питаться; не может приобрести новую одежду; не может приобрести какие бы то ни было новые товары...».
🚗 «Ах, бедный Емельян Иванович! Его «Майбах», кстати, Z, попал в такую пробку, и вот он не успел на встречу.» Ямеля што, на печцы ехаў, дык чаму ж ён бедны?!
🎉 Таму я ўсьцешаны, што сьвядомыя беларусы: хлопчыкі й дзяўчынкі, а таксама іхнія бацькі — не раўня ябацькам і бабарыканам — любяць, вывучаюць, разьвіваюць нашу сапраўды багатую, сакавітую, найпрыгожую родную мову! У носьбіта якой язык (расейскі) няхай цалкам адсохне, калі назаве ён бадзяючагася «паміж пяскоў Эгіпецкай зямлі» й плаваючага «над хвалямі сінеючаго Ніла» нейкім бедным.