Польскі інвестар сеткі «Буслік» атрымае кампенсацыю за страту бізнэсу ў Беларусі
Польская кампанія CDRL, якой у Беларусі належала сетка крамаў дзіцячага адзення «Буслік», атрымае больш за 18 млн злотых (каля 4,5 млн даляраў) ад страхавой кампаніі за страту кантролю над сваім беларускім актывам. Пра гэта гаворыцца ў паведамленні на сайце інвестара.
Аказваецца, CDRL застрахавала свае беларускія інвестыцыі ў кампаніі KUKE S. A., а 15 красавіка там прызналі выпадак з «Буслікам» страхавым. Як паведамляюць інфармаваныя крыніцы выдання Office Life, KUKE S. A. пагадзілася лічыць яго «палітычнай рызыкай».
Прысуджаная кампенсацыя складае 18 185 148 злотых, або 90% ад сумы ўкладзеных сродкаў, і з'яўляецца максімальна магчымай сумай кампенсацыі», — гаворыцца ў паведамленні інвестара.
Выплата будзе праведзена на працягу некалькіх найбліжэйшых дзён.
Раней з'явілася інфармацыя, што сетка «Буслік» у Беларусі спыніла працу ў канцы лютага.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары