Навука і тэхналогіі44

Sony саступіла карыстальнікам пасля грандыёзнага скандалу

Раней кампанія ў пагоні за паказчыкамі абмежавала доступ да сваёй прадукцыі для большасці краін свету.

Постар гульні Helldivers 2

Гаворка ідзе пра гульню Helldivers 2, шутар ад трэцяй асобы, дзе пякельным дэсантнікам трэба біцца ў бітвах галактычнай вайны на паверхні іншых планет. Гульня, распрацаваная шведскай кампаніяй Arrowhead Game Studios, была выпушчаная Sony Interactive Entertainment яшчэ ў лютым 2024 года.

Helldivers 2 атрымала станоўчыя водгукі ад гульцоў і аглядальнікаў, а фільм «Зорны дэсант» 1997 года, чыю эстэтыку абсурднага мілітарызму гульня паўтарае, перажыў усплёск праглядаў у анлайн-сэрвісах.

Гэтым поспехам вырашылі скарыстацца ў Sony, каб павялічыць колькасць карыстальнікаў уласнай платформы PlayStation Network. 

У пачатку мая кампанія абвясціла, што для гульні праз Steam будзе патрэбная прывязка да ўліковага запісу PlayStation Network нават для геймераў, якія гуляюць на ПК. Паводле слоў Sony, прывязка ўліковага запісу PSN неабходная для забеспячэння найлепшай абароны ад несумленных гульцоў.

Абвал рэйтынгу гульні пасля анансаваных зменаў.

Arrowhead Studios адзначыла, што з 6 траўня ўсе навічкі будуць абавязаныя звязаць уліковыя запісы. Калі гэтага не зрабіць, то гуляць далей не атрымаецца. Даўнім гульцам давалі адтэрміноўку да 4 чэрвеня.

Гэта выклікала хвалю абурэння з боку гульцоў, бо, як выявілася, у большасці краін свету PSN папросту недаступныя, а спробы абысці рэгіянальныя абмежаванні прыводзілі да блакіровак. Гульцы паднялі сапраўды бунт супраць кампаніі, абваліўшы рэйтынгі гульні са станоўчых да «вельмі адмоўных».

Спіс выключаных краін. 

5 мая Helldivers 2 знялі з продажу ў Steam у больш як 170 краінах свету, у тым ліку і Беларусі. Кіраўнік студыі Arrowhead Ёхан Пілстэт выбачыўся перад фанатамі, назваўшы іхнюю крытыку апраўданай.

Але ўжо 6 мая Sony Interactive Entertainment пайшла на саступкі гульцам і вырашыла не выпускаць абяцанае абнаўленне, якое павінна было запусціць працэс абавязковай прывязкі ўліковых запісаў да PSN. 

Пілстэт у сваім звароце выказаў захапленне сілай волі геймераў і падзякаваў PlayStation за вырашэнне праблемы.

«Наша Нiва» — бастыён беларушчыны

ПАДТРЫМАЦЬ

Каментары4

  • Кастусь
    06.05.2024
    Праўдаруб, капитализмус) Потребитель только рублем может наказать жадного буржуя)
  • Удзельнік
    07.05.2024
    Дарэчы, атмасфера ў супольнасці была вельмі падобная на некаторыя вядомыя нам часы: вельмі захапляльная салідарнасць і рашучасць, але ж тым і некаторая наіўнасць і мабыць залішняя гатоўнасць прабачаць.
  • Вось
    07.05.2024
    Удзельнік, перагарнулі старонку

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка8

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Палітолаг Аліна Харысава выходзіць замуж за Данілу Багдановіча з «Чорнай кнігі Беларусі»58

«Шантажавалі «будучым вашай жонкі і станам яе мамы». Муж асуджанай на 10 гадоў Вольгі Харламавай расказаў пра спробы вярбоўкі з боку КДБ8

BepiColombo даляцеў да Меркурыя — пасля васьмі гадоў падарожжа ў космасе ён выйдзе на арбіту гэтай загадкавай планеты5

У Гомельскім маладзёжным тэатры Караткевіча паказваюць па-руску15

Высветлілася галоўная прычына звальнення Джэнсэна Хуанга з Nvidia4

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю83

Трамп назваў самага ўплывовага чалавека ў свеце3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка8

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць