Перакладчыцы Вользе Калацкай прысудзілі 800 рублёў штрафу за «маханне рукамі ў РУУС»
Суд над Калацкай адбыўся 17 мая.
Вольга Калацкая ў 2021 годзе. Фота: Наша Ніва
Як паведамляе «Радыё Свабода», перакладчыцу Вольгу Калацкую пакаралі 20 базавымі велічынямі за «маханне рукамі ў РУУС».
Раней Калацкая была палітзняволенай — у пачатку 2021 годзе яе змясцілі ў СІЗА на два месяцы за тое, што дала поўху супрацоўніку тэлеканала СТБ Рыгору Азаронку.
Нягледзячы на тое, што Азаронак не меў прэтэнзій да Калацкай, 24 сакавіка 2021 года ў судзе Фрунзенскага раёна ёй прысудзілі два гады хатняй хіміі.
Вольга Калацкая пераклала на беларускую мову дзясяткі фільмаў, серыялаў і кніг, у тым ліку творы Вірджыніі Вулф, Тэнесі Уільямса, Уільяма Голдынга, Пола Остэра, Тоні Парсанза, Артура Голдэна, фільмы «Гладыятар», «Шрэк», «Сямейка Смітаў» ды іншыя.
У Мінску адбыліся масавыя затрыманні выдаўцоў і кнігараспаўсюднікаў33
Каментары