«Байсол» расказаў, як фонд падманулі: невядомыя прыдумалі рак сапраўднай жанчыне і даслалі фэйкавыя дакументы
28 кастрычніка «Байсол» адкрыў збор для Алены Ліцвіненка — беларускі, якая нібыта змагаецца з ракам грудзей у Польшчы. Вось толькі аказалася, што сама Алена і не думала звяртацца ў фонд.
Прадстаўнікі «Байсола» расказалі «Нашай Ніве», што сутыкнуліся з падробкай дакументаў — прычым давялося датэрмінова закрыць ужо адкрыты збор.
Справа датычыцца Алены Ліцвіненка, беларускі, якая нібыта звярнулася ў «Байсол», каб сабраць грошы на таргетныя лекі для лячэння раку грудзей у Польшчы. Насамрэч, як высветлілі ў фондзе, жанчына ў «Байсол» не звярталася. Пра гэта фонду паведамілі яе знаёмыя.
Той, хто выдаваў сябе за Алену, падаў у «Байсол» копіі яе дакументаў, у тым ліку медыцынскіх, а таксама фота жанчыны.
У фондзе запэўніваюць, што праводзяць верыфікацыю, у тым ліку і не адкрываюць збор без адпаведных дакументаў.
Але ў гэты раз высветлілі, што дакументы падробленыя, пасля публікацыі збору.
Цяперашні выпадак у «Байсоле» расцэньваюць або як спробу махлярства, або як правакацыю. За час існавання фонду там ужо мелі справу з махлярамі, але ніколі раней, кажуць, у дачыненні да фонду не ладзілі такую складаную схему махлярства.
За некалькі гадзін, пакуль збор правісеў на сайце, «Алене» заданацілі каля 500 еўра з 5000, якія хацелі сабраць. Гэтыя грошы плануюць вярнуць ахвярадаўцам цягам некалькіх працоўных дзён — яны не былі пераведзены тым, хто спрабаваў падмануць фонд.
Цяпер у фондзе плануюць удасканальваць алгарытм верыфікацыі, каб даваць рады ШІ-пагрозам — там лічаць, што дакументы і фота ад «Алены» падрабілі менавіта з дапамогай ШІ. І раздумваюць над тым, каб звярнуцца ў паліцыю.
«Наша Нiва» — бастыён беларушчыны
ПАДТРЫМАЦЬВазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны
«Як я без цябе?» Зміцер Дашкевіч напісаў дзве кнігі пра перажытае і перадуманае ў калоніі. Абвешчаны збор грошай на выданне
Гэтая беларуска так удала парадзіруе беларускіх прапагандыстаў і рускіх лібералаў, што яе відэа ўспрымаюць за чыстую манету ВІДЭА
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Но мошенники могли открыть счет на имя Елены Литвиненко в какой нить шарашкиной конторе типа Wise или Revolut, где счет открывают удаленно по документам, которые тоже можно подделать