Ціханоўская назвала ўдзельнікаў выбараў у Каардынацыйную раду «сапраўднымі героямі»
Святлана Ціханоўская выпусціла адмысловы зварот, прысвечаны вынікам выбараў у Каардынацыйную раду, якія завяршыліся ўчора апоўначы.
Адзначыўшы складаныя ўмовы, у якіх адбываліся выбарчая кампанія і галасаванне, Ціханоўская адзначыла:
«Кожны з тых, хто ўдзельнічаў у выбарах — сапраўдныя героі. Я ганаруся вашай смеласцю і стойкасцю. Вы паказваеце ўсяму свету, што Беларусь — гэта не толькі рэжым, але і народ, які імкнецца да свабоды і дэмакратыі. Дзякуючы вам упершыню склад Каардынацыйнай рады быў сфармаваны праз адкрытыя выбары».
Асобна яна адзначыла самаахвярнасць кандыдатаў у Каардынацыйную раду:
«Я ганаруся кожным кандыдатам, хто знайшоў у сабе мужнасць вылучыцца і змагацца за нашую агульную справу. Нягледзячы на рэпрэсіі, абвяшчэнне экстрэмістамі і арышты ўласнасці, гэтыя людзі працягваюць барацьбу».
Дэмакратычная лідарка выказвае ўпэўненасць:
«Каардынацыйная рада павінна стаць пляцоўкай для ўзгаднення нашых агульных стратэгій, для дыскусій і кансультацый, для каардынацыі кампаній, для максімальна зладжанага фармавання бачання Новай Беларусі».
Адначасова з гэтым яна спадзяецца, што новы склад Каардынацыйнай рады працягне працу па ўмацаванні адзінства дэмакратычнага руху і што ягоная дзейнасць стане больш публічнай, а абмяркоўвацца ў радзе будуць пытанні, сапраўды актуальныя для беларусаў па розныя бакі дзяржаўнай мяжы.
Выбаркам Каардынацыйнай рады крыху падправіў вынікі выбараў
Гурневіч пра выбары ў Каардынацыйную раду: Беларусы паказалі чырвоную картку гульні ў бюракратыю
Названыя 80 асобаў, якія будуць засядаць у новай Каардынацыйнай радзе
Вынікі галасавання ў Каардынацыйную раду: перамог спіс Латушкі з 35%
6723. Столькі беларусаў прагаласавалі на выбарах у Каардынацыйную раду
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары