У цэнтры Вільні з'явіўся надпіс «Вільня наша» па-беларуску. Але да манеры напісання ёсць вялікія пытанні
«Ш» і «л» напісаныя так, як пішуць іх людзі, якія карыстаюцца лацініцай і не ведаюць кірыліцы.
У сераду раніцай жыхар літоўскай сталіцы выявіў на сцяне аднаго з дамоў на вул. Піліма (Завальнай) надпіс на беларускай мове «Вільня наша». Муніцыпалітэт неадкладна адрэагаваў на паведамленне, пішуць літоўскія СМІ.
«Сёння раніцай я заўважыў, што фасад дома нумар 5 на вуліцы Піліма (у доме ў 1910 жыў адзін з заснавальнікаў ідэалогіі ліцвінізму Вацлаў Ластоўскі)» упрыгожаны правакатарскім надпісам Вільня наша і знакам, які сімвалізуе беларускі гістарычны сцяг», — цытуюць чытача літоўскія СМІ.
У паліцыю пра інцыдэнт не паведамлялі, таму расследавання не будзе. Надпіс хутка змылі.
У гэтым будынку на рагу Піліма і Каліноўскага ў 1909—1911 гадах была рэдакцыя старой «Нашай Нівы», тут жыў Вацлаў Ластоўскі, менавіта тут спыняўся Максім Багдановіч падчас сваёй вандроўкі з Расіі ў Вільню і Ракуцёўшчыну.
Аднак манера напісання выклікае пытанні. Такое ўражанне, што рабіў надпіс не звыклы да кірыліцы беларус.
Вельмі дзіўна напісана літара «я» ў слове «Вільня». Яна, хутчэй, падобная да «Д». Дзіўнае таксама напісанне «ш», якая выглядае як лацінскае w. Магчыма, таму, што такіх літар (я і ш) у лацінцы няма?
Выява сцяга таксама выклікае пытанні. Беларус, які набіў руку ў маляванні пратэсных сцягоў у 2020—2024 гадах, не намалюе так тонка сярэднюю паласу.
Хутчэй за ўсё, надпіс зроблены на замову беларусафобаў.
«Сёння гарыць смецце, заўтра будуць гарэць вашы дзеці». Беларусам Літвы рассылалі пагрозы ад імя ультранацыяналістаў. Але пракалоліся
У Вільні шукаюць людзей, гатовых за грошы шпіёніць за літоўскімі спецслужбамі і здымаць акцыі беларусаў
На ўездзе ў Вільню намалявалі надпіс «Вільня наша» з бчб-сцягам. Вось як замаўляюць такія графіці
Памёр паэт Уладзімір Карызна, аўтар слоў да цяперашняга дзяржаўнага гімна Беларусі8
Каментары