Грамадства55

«Бедныя тыя тэрарысты, у якіх узнікне такая думка». Дарашкевіч пра абвінавачванні з боку АНТ у стварэнні радыенуклідных дронаў

Актывістка Вольга Цішкевіч вярнулася ў Беларусь і расказала на АНТ, што яе былыя паплечнікі быццам бы стваралі дроны з радыенуклідамі і рыхтавалі тэракт на Астравецкай АЭС. Паводле Цішкевіч, гэтым быццам бы займаўся навуковец і медык Алег Дарашкевіч. Спыталі яго самога пра гэта.

Алег Дарашкевіч. Фота: «Наша Ніва»

З Вольгай Цішкевіч ён добра знаёмы. Характарызуе экс-актывістку як выматанага жыццём чалавека са слабым здароўем:

«Яна дызайнерка адзення, таленавітая жанчына з цяжкім лёсам. Думаю, яна трапіла ў лапы гэтых людзей без сумлення і гонару і пад іх ціскам магла нагаварыць усё што хочаш. Гэта яўна надуманыя рэчы, якія проста не прыйдуць здароваму чалавеку ў галаву.

Тое, што мы планавалі нейкія тэракты, абсалютна не адпавядае рэчаіснасці».

Дарашкевіч мяркуе, што Вольгу зацягнулі ў пастку, і цяпер яна вымушаная ліць бруд на паплечнікаў.

Вольга Цішкевіч. Фота: скрыншот АНТ

Алег раней займаўся ліквідацыяй наступстваў аварыі на ЧАЭС і разумее, наколькі Беларусь пацярпела ад той катастрофы. Ён кажа, што ў здаровым розуме не стаў бы займацца такімі тэрактамі, бо дакладна ведае, што гэта самагубства. Тым больш што да тэхнічнага боку «тэракта» ёсць пытанні:

«Дронамі нічога не зробіш з атамнай станцыяй, там вельмі сур’ёзная абарона, і ніякія тэрарысты не дадуць ёй рады. Там усё прадумана, каб розныя вар’яты не спрабавалі зрабіць нічога гібельнага для ўсяго чалавецтва».

Алег расказвае, што некалі ён насамрэч займаўся праектам, звязаным з дронамі. У часы пандэміі такі праект мусіў бы дапамагчы дастаўляць супрацькавідныя вакцыны, і Дарашкевіч з паплечнікамі хацелі распрацаваць адпаведную платформу для гэтага.

Такія дроны, кажа навуковец, у перспектыве маглі б дастаўляць і лекі. У сусветнай практыцы выкарыстоўваюць гэтую ідэю — напрыклад, дронамі дастаўлялі вакцыны ў афрыканскіх краінах.

Цішкевіч паказала ў эфіры АНТ фота «дрона», і Алег расказвае, адкуль яно магло з’явіцца:

«У тым месцы, куды яна таксама прыходзіла, стаялі каркасы гэтых дронаў з часоў пандэміі. Напэўна, яна іх тады сфатаграфавала».

Ідэю з дронамі да практычнай рэалізацыі так і не давялі.

Цішкевіч казала пра тое, што дрон ад Дарашкевіча быццам бы мусіў распыляць вадкасць з радыенуклідамі над Украінай і Беларуссю, а потым навуковец прымяніў бы «квантавую методыку аднаўлення» гэтых земляў. Такія тэзісы выклікаюць у Алега смех:

«Гэта такая дурасць! Калі расійская армія захапіла Запарожскую АЭС, абмяркоўвалі, быццам бы там плануюць узарваць брудную бомбу. Магчыма, яна недзе гэта пачула, але тая гісторыя ніяк не звязаная з дронамі. Гэтая ідэя з дронамі — усё роўна што вычэрпваць мора піпеткай. Бедныя тыя тэрарысты, у якіх узнікне такая думка».

«Наша Нiва» — бастыён беларушчыны

ПАДТРЫМАЦЬ

Каментары5

  • Тэкля
    31.07.2024
    Здзіўляе, што з падобнымі "Вольгамі" сур'ёзныя людзі маюць нейкія справы. Я пра тых, на каго яна зараз нясе ўсялякі бруд
  • Сигизмунд
    31.07.2024
    Гранташмурдзяк, Придет время и тебя вылечат...
  • Трасучая галава лукабота
    31.07.2024
    Гранташмурдзяк, пад баярай? Закусывай

Цяпер чытаюць

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі2

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Усе навіны →
Усе навіны

Аператараў дронаў будуць узмацняць баявым экзашкілетам

Расія і Украіна завяршылі перамовы ў Стамбуле. Яны ішлі каля 40 хвілін2

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада16

Міністр замежных спраў Літвы заступіўся за Офіс Ціханоўскай14

Стась Карпаў расказаў пра ўласную траўму, звязаную з дыкам54

«Мы думалі, што гэта ненадоўга». Што беларусам трэба вынесці з тактоўных намёкаў літоўцаў пра мову61

У Мінску з'явілася алея аўтарскіх лавак, створаная па эскізах школьнікаў ШМАТ ФОТАЎ7

«У нас татальнае падзенне». Прадстаўніца дырэктарата Bysol пракаментавала скандал са Стрыжаком36

Літоўскае тэлебачанне падкрэсліла, што ні Ціханоўская, ні яе прэс-сакратарка дагэтуль не валодаюць літоўскай мовай89

больш чытаных навін
больш лайканых навін

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі2

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Галоўнае
Усе навіны →

Заўвага:

 

 

 

 

Закрыць Паведаміць