Украіна распрацавала высокадакладную бомбу, якая можа стаць «ключавой зброяй» для ўдараў па расійскіх вайсковых аб'ектах, паведамляе Forbes. Прататып снарада трапіў на відэа, знятае нядаўна экіпажам украінскага знішчальніка падчас выпрабаванняў.
Паводле звестак выдання, бомба абсталяваная ракетным паскаральнікам, высоўнымі крыламі і GPS-сістэмай, а далёкасць яе палёту можа дасягаць прыкладна 65 кіламетраў.
Калі Украіна наладзіць серыйную вытворчасць гэтых бомбаў, яна зможа наносіць удары па тэрыторыі Расіі з той жа частатой, з якой УС РФ абстрэльваюць Украіну аналагічнымі снарадамі, адзначае Forbes.
Новая бомба папоўніць пералік вырабленых ва Украіне боепрыпасаў, такіх як крылатая ракета «Няптун», дрон-ракета «Паляніца» і мноства дальнабойных ударных беспілотнікаў.
На фоне абмежаваных паставак зброі ад Захаду і забаронаў на яго выкарыстанне ў глыбіні расійскай тэрыторыі Украіна актыўна развівае вытворчасць уласных снарадаў. Так, 24 жніўня УСУ паспяхова выпрабавалі дальнабойную ракету-дрон «Паляніца» з далёкасцю палёту 700 кіламетраў. Міністр абароны Украіны Рустэм Умераў паведаміў, што гэтую ракету плануецца выкарыстоўваць для ўдараў па Расіі.
Зяленскі расказаў пра ўкраінскую ракету-дрон «Паляніца»
Украіна ўпершыню ўжыла сваю ракету-дрон «Паляніца» па цэлі ў Крыме
ЗША ўзгаднілі перадачу Украіне крылатых ракет вялікай далёкасці для F-16 — Reuters
«Мы збіраем іх, як IKEA». Украіна пры дапамозе заходніх тэхналогій сама стварае дроны, якімі атакуе Расію
Амерыканцы дабіліся вызвалення Юрыя Зянковіча. Ён быў прысуджаны да 11 гадоў зняволення18
Каментары