У сербскім Нові-Садзе тысячы дэманстрантаў патрабавалі адстаўкі ўладаў краіны ВІДЭА
Жыхары выйшлі на пратэст пасля трагедыі на гарадскім вакзале, дзе абрынуўся дах, у выніку чаго загінулі 14 чалавек
Тысячы чалавек сабраліся каля мэрыі Нові-Сада ў Сербіі. Гэта рэакцыя на трагедыю, якая адбылася 1 лістапада: у выніку абрушэння бетоннага навесу на чыгуначным вакзале загінулі 14 чалавек.
Пратэстоўцы абвінавачваюць урад краіны і ўлады горада ў карупцыі. Яны патрабуюць адстаўкі мэра горада Мілана Джурыча і прэм'ер-міністра Сербіі Мілаша Вучэвіча, а таксама пакарання людзей, якія адказвалі за рэканструкцыю вакзала.
У пэўны момант людзі паспрабавалі прарвацца ў мэрыю, пачаліся сутычкі з паліцыяй, сілавікі ўжылі слезацечны газ. Мясцовыя СМІ паведамляюць, што пратэстоўцаў жорстка затрымліваюць, у тым ліку людзі ў цывільным.
Увечары ў Нові-Сад прыбыў прэзідэнт Сербіі Аляксандр Вучыч. Прыблізна а 22-й гадзіне па мясцовым часе (0:00 па Мінску) людзі пачалі разыходзіцца. Паліцэйскія затрымліваюць людзей у кварталах побач з мэрыяй.
Цяпер чытаюць
Два кенты на Савецкай у Брэсце ў кепках з ЧЗ падпявалі пад песню «Жукоў». І мелі неасцярожнасць запосціць гэта ў трэдс7
Два кенты на Савецкай у Брэсце ў кепках з ЧЗ падпявалі пад песню «Жукоў». І мелі неасцярожнасць запосціць гэта ў трэдс
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары