Грамадства6262

Хто тая адзіная жанчына, што прыйшла на матч «Дынама-Мінск» у Варшаве з чырвона-зялёным сцягам

На футбольны матч мінскага «Дынама» і польскай «Легіі», што адбыўся 7 лістапада ў Варшаве, беларусы прыйшлі з нацыянальнай сімволікай. На трыбунах былі бачныя бел-чырвона-белыя сцягі, а таксама плакаты з асуджэннем рэжыму Лукашэнкі і сілавікоў.

Таццяна Даміна. Фота «Нашай Нівы»

Аднак адна з фанатак вылучалася — у чырвона-зялёнай майцы, жанчына стаяла з афіцыйным сцягам у руках. Расказваем, што мы пра яе даведаліся.

Згодна з сервісамі пошуку па сацсетках, гэта 33-гадовая Таццяна. Родам яна з Бярозы, з простай сям'і.

Па звестках праекта Digital intelligence team, Таццяна ўсё жыццё працавала на розных заводах і прадпрыемствах на рабочых спецыяльнасцях, вартаўнічкай ва ўстанове адукацыі. Па сацсетках выглядае, што ў 2022 годзе яна паехала жыць у Польшчу да хлопца.

Таццяна ў адпачынку ў Польшчы ў 2020 годзе. Фота з яе старонкі «Укантакце»

У яе падпісках пераважаюць суполкі з мемамі ды рэцэптамі. Сярод фота — адпачынак ды сустрэчы з сябрамі ды сваякамі.

Мужчына, які быў з ёй побач на матчы, — яе паляк-спадарожнік. Яго фота ёсць на матчах УЕФА ў 2018 годзе, там ён заўзее за Польшчу.

Блогер Аляксандр Івулін падышоў пазнаёміцца з жанчынай.

«Мяне пасля наб'юць гэтыя чырвона-белыя», — усміхаецца яна.

Расказвае, што беларуска, выйшла замуж за паляка.

Івулін спытаў жанчыну, чаму яна прыйшла на стадыён у такой форме.

@nashaniva Гарачы вечар у Варшаве #динамоминск #легия #варшава #футболбеларуси #нашаніва #белорусывпольше #жывебеларусь #белорусы ♬ DEVIL SOUL - Phonk Killer

«Таму што я нарадзілася, калі быў такі сцяг, і я хачу памерці з такім сцягам», — адказала яна.

«Ну вы амаль прыйшлі па адрасе», — жартуе Івулін.

«Я думаю, гэта магчыма апошні дзень майго жыцця», — смяецца ў адказ жанчына.

Яна расказала, што нарадзілася ў 1991-м.

«Вы не пад гэтым сцягам нарадзіліся», — заўважыў Івулін. Афіцыйны чырвона-зялёны сцяг быў зацверджаны ў 1995-м, пасля распаду СССР з 1991-га сцягам Беларусі быў бел-чырвона-белы.

Жанчына спрабавала паспрачацца.

«Але наогул якая розніца, — сказала ў выніку. — У Беларусі не можа быць іншага сцяга».

Івулін спытаў, за каго з футбалістаў заўзее новая знаёмая.

«Хто найлепшы футбаліст — без паняцця. (…)Я агулам працую…» — запнулася жанчына.

«Вы працуеце сёння. Вы ўсё правільна сказалі», — з усмешкай падлавіў яе Івулін.

@nashaniva Гарачы вечар у Варшаве #динамоминск #легия #варшава #футболбеларуси #нашаніва #белорусывпольше #жывебеларусь #белорусы ♬ DEVIL SOUL - Phonk Killer

Ва ўчорашнім матчы Лігі канферэнцый беларускі клуб разгромна саступіў польскаму — 0:4.

«Наша Нiва» — бастыён беларушчыны

ПАДТРЫМАЦЬ

Каментары62

  • Спадар
    08.11.2024
    " гэта 33-гадовая";))))))))))))))))))))))))
  • Лявон
    08.11.2024
    Спадар, калі ябацька, гэта адразу 2х да выгляду
  • idk
    08.11.2024
    Кансэрва ўскрылася :)))

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць27

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Лявон Вольскі прэзентаваў кліп на песню «Лекар ачуняй» ВІДЭА1

Прынц Гары заявіў, што вярнуўся б у войска, каб змагацца з Расіяй2

Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»

Беларускі добраахвотнік дэбютуе ў прафесійным боксе

«Бабуля таксама гнала». Беларус пераехаў у Польшчу і працягнуў займацца самагонаварэннем, хоць гэта забаронена4

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць27

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць