Грамадства

Краязнаўцы Жодзіна паказалі, як разбураецца Багуслаў Поле — месца, дзе пачалася гісторыя горада

У Жодзіне руйнуецца памятнае месца Багуслаў Поле, з якога пачалася гісторыя горада, піша выданне Ex-press.by. Год таму тут пачаліся рамонтныя работы, але хутка скончыліся, паведамляюць мясцовыя краязнаўцы ў сацыяльных сетках.

Комплекс «Вадзяны млын», лістапад 2024 года. Фота: Facebook

Краязнаўца Галіна Аніскевіч апублікавала ў фэйсбуку пост:

«Без каментароў. У 2008 годзе ў Жодзіне адкрылі мемарыяльны комплекс «Багуслаў Поле». Сёння гэта выглядае так».

Супрацоўнік краязнаўчага музея Сяргей Візнер пракаментаваў сітуацыю:

«Жудасна! А гэта ж гістарычны цэнтр Жодзіна».

У верасні 2023 года ў мясцовых тэлеграм-каналах з'явіліся паведамленні пра пачатак работ на Багуслаў Полі. На адным з будынкаў комплексу замянілі дах, што выклікала аптымізм у гараджан. «На Багуслаў Полі працэс пайшоў», — пісалі ў тэлеграм-канале жодзінскіх прапагандыстаў «СвеЖО».

Аднак праз год на месцы помніка мала што змянілася. Рамонтныя работы, падобна, спыніліся адразу пасля ўстаноўкі новага даху.

Комплекс «Вадзяны млын» быў створаны ў 2008 годзе на месцы, дзе, паводле гістарычных крыніц, у 1643 годзе князь Багуслаў Радзівіл заснаваў мястэчка Багуслаў Поле. Менавіта тут у 1663 годзе з'явіўся першы ў Жодзіне млын.

Комплекс задумваўся як сімвал пачатку гістарычнага шляху горада. Ягоны макет уключаў млын, сялянскую сядзібу з хатай, адрынай і студняй-«жураўлём». Аўтар праекта, Уладзімір Глазун, дадаў скульптуры млынара, яго жонкі і дваравога сабакі, каб надаць месцу атмасферу жывой гісторыі.

У 2008 годзе тут была таксама закладзена Алея гарадоў-пабрацімаў, дзе прадстаўнікі замежных гарадоў высадзілі туі ў знак дружбы.

Каментары

Цяпер чытаюць

Віктар Лукашэнка засвяціў на пасяджэнні НАК свой гадзіннік — цяжкі люкс20

Віктар Лукашэнка засвяціў на пасяджэнні НАК свой гадзіннік — цяжкі люкс

Усе навіны →
Усе навіны

У фонд Музея Марка Шагала ў Віцебску ўпершыню паступілі работы Восіпа Цадкіна

На «Дажынках» Мінскага раёна зладзілі выставу жанчын-перадавіц у чорных рамках ФОТАФАКТ8

Збіраюцца заяўкі на стыпендыі для беларускіх студэнтаў ад «Нябачнага ўніверсітэта для Беларусі»1

Трамп лічыць «вельмі класнай» ідэяй аб’яднанне Ірландыі10

На наступны тыдзень прагназуюць бабіна лета

У Баварыі на Дунаі злавілі анаконду1

Па колькасці самагубстваў у Еўрасаюзе лідзіруе Літва. А што з гэтым у Беларусі?11

У Францыі сышоў з рэек пасажырскі цягнік, падобна да дыверсіі2

Змялелую Прыпяць можна пераехаць на грузавіку ВІДЭА9

больш чытаных навін
больш лайканых навін

Віктар Лукашэнка засвяціў на пасяджэнні НАК свой гадзіннік — цяжкі люкс20

Віктар Лукашэнка засвяціў на пасяджэнні НАК свой гадзіннік — цяжкі люкс

Галоўнае
Усе навіны →

Заўвага:

 

 

 

 

Закрыць Паведаміць