Лукашэнка сказаў, што некалькі разоў наведваў рэанімацыі падчас першых хваляў кавіду
Аляксандр Лукашэнка 10 снежня, адказваючы на пытанні супрацоўнікаў барысаўскага прадпрыемства «ПАЖСНАБ», пракаментаваў справаздачу Кангрэса ЗША аб прычынах узнікнення і спосабах барацьбы з пандэміяй каранавіруса, піша БелТА.
Лукашэнка сказаў, што калі ў Беларусі быў выяўлены першы выпадак каранавіруса [у студэнта з Ірана ў канцы лютага 2020 года], то было прынята рашэнне закрыць на каранцін увесь універсітэт. Аднак Лукашэнка кажа, што адразу не падтрымаў такі падыход.
«Я выклікаю міністра (як цяпер памятаю): «Табе хто даў права закрываць прадпрыемства, арганізацыю?» Стаіць, выцягнуўшыся перада мной. Кажу: «Адмяніў рашэнне, твая задача — лячыць і ратаваць людзей. Адчыняць, зачыняць буду я. Свабодны». Вось была кароткая з ім размова. І мне трэба было ўсіх жа выстраіць. (…) Можа быць, вы і захаваліся (вы ж манапалісты), але вы б адсталі, а можа быць, і не захаваліся. А нашы прадпрыемствы — дакладна ніводнае б не працавала», — выказаў меркаванне ён.
«Я гэта ведаў, што гэта камусьці трэба. І я ўсім заўсёды казаў, што гэта «шызафрэнія» (паніка пры COVID-19). Я ўжо жартаваць пачаў: для таго, каб вылечыцца (да сялян ехаў — яны ж усе працавалі), трэба трактар і сто грам, — расказаў Лукашэнка. — Выстаяць. Сёння ўжо амерыканцы, якія тролілі мяне ўвесь час, прызналі. Яны паўтарылі праз некаторы час усё тое, што я казаў».
Уся гэтая сітуацыя, падкрэсліў Аляксандр Лукашэнка, з'яўляецца ўрокам для людзей. «Мы павінны берагчы сваё здароўе. І вось пандэмія гэта паказала, — адзначыў ён. — Мне тут асабліва таксама выхваляцца няма чым, бо людзі гінулі.
Я ў рэанімацыях пастаянна быў: цукровы дыябет быў на першым месцы, па-мойму, сардэчна-сасудзістыя захворванні. Гэта адкуль? Ад нашай ляноты. Таму я вас падштурхоўваю: на вуліцу, на вуліцу, не можаце бегаць — хадзіце, не можаце хадзіць — бегайце. Трэба займацца сабой, каб не хадзіць у аптэку, каб потым не парыцца».
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары
И попробуйте докажите что это с вами и вашими родственниками произошло из-за ковида.
***
Усе ўсё добра памятаюць. Таму няхай нясе сваю лухту каровам ў кароўніку.