Яшчэ адзін мінскі тэатр застаўся без мастацкага кіраўніка.
Марына Дударава больш не з'яўляецца мастацкім кіраўніком сталічнага Драматычнага тэатра беларускай арміі, які падпарадкоўваецца Міністэрству абароны Беларусі. Інфармацыю пра яе звальненне «Люстэрка» атрымала ад уласнай крыніцы. Таксама згадка пра Дудараву знікла са старонкі тэатра на сайце Мінабароны.
Калі менавіта была звольненая Дударава, інфармацыі няма. Яшчэ ў канцы верасня 2024 года яна займала сваю пасаду. Прычына звальнення таксама не паведамляецца.
Магчыма, гэта звязана з выхадам на пенсію: рэжысёру 62 гады. Але ці стала гэта сапраўднай або фармальнай падставай, невядома.
Марына Дударава скончыла Мінскі інстытут культуры (1991). Працавала артысткай балета Белдзяржфілармоніі, выкладчыкам, балетмайстрам, балетмайстрам-пастаноўшчыкам сталічнага Маладзёжнага тэатра. З 2004 года была галоўным рэжысёрам, а з 2013-га — мастацкім кіраўніком Драматычнага тэатра беларускай арміі.
Польшча прызнала Аляксандра Машэнскага непажаданай асобай27
Каментары