Ежце болей рыбы, разгадвайце болей крыжаванак і выключыце тэлевізар, калі хочаце мець лепшую памяць – вынікае з аўстралійскага інтэрнэт-дасьледваньня «Нацыянальны тэст памяці».
Ежце болей рыбы, разгадвайце болей крыжаванак і выключыце тэлевізар, калі хочаце мець лепшую памяць – вынікае з аўстралійскага інтэрнэт-дасьледваньня «Нацыянальны тэст памяці».
У дасьледваньні прыняло ўдзел амаль 30 тыс. чалавек падчас тыдня навукі ў Аўстраліі. Пры дапамозе тэсту спраўджвалася, як карыстальнікі інтэрнэту даюць сабе рады з запамінаньнем сьпісу пакупак, узгадваньнем імёнаў, твараў і прафэсіяў, выкліканьнем успамінаў ці знаходжаньнем розьніцы паміж здымкамі.
Удзельнікі дасьледваньня таксама запоўнілі апытальнік на тэму розных звычак, напрыклад, спажываньня алькаголю, агляданьня тэлевізіі і чытаньня.
Высьветлілася, што найважнейшым чыньнікам, што вызначыў вынік тэсту, было агляданьне тэлевізіі. Карыстальнікі інтэрнэту, якія глядзяць тэлевізар у дзень менш за гадзіну, лепей за тэлеманьякаў далі сабе рады ўва ўсіх заданьнях, зьвязаных з памяцьцю.
На горшыя вынікі тэсту паўплывала таксама штодзённае спажываньне вялікай колькасьці алькаголю, таксама пацьвердзілася сувязь добрай памяці з чытаньнем аповесьцяў.
Тыя, хто разгадвае крыжаванкі, лепш запамінаюць сьпісы пакупак і прыгадваюць імёны, а спажываньне рыбы раз на тыдзень папраўляе здольнасьць запамінаць сьпісы пакупак – вынікае з дасьледваньня.
Жанчына і мужчыны мелі такія самыя вынікі ўва ўсіх заданьнях.
Важным для памяці зьяўляецца здароўе ў яго шырокім разуменьні – фізычнае і псыхічнае, дыета і актыўны стыль жыцьця – падкрэсьліла адна з кіраўнікоў дасьледваньня, нэўрапсыхоляг з унівэрсытэту ў аўстралійскім штаце Квінслэнд Нэнсі Пэчана.
Экспэрт падкрэсьліла, што для памяці карысная разумовая актыўнасьць. «Тэлевізія – не благая рэч, але яна адбірае час, які б можна было прысьвяціць на выкананьне чагосьці, што патрабуе ад мозгу крыху большага высілку. Тэлевізія можа быць пасыўнай дзейнасьцю, у той час, калі чытаньне вымагае актыўнасьці, што нашмат лепш» – патлумачыла яна.
Навукоўцы папярэдзілі, што тэст сыгналізуе пра пэўныя заканамэрнасьці на тэму чалавечай памяці, аднак з інтэрнэт-дасьледваньнем заўсёды зьвязаная рызыка несур’ёзнага ці нядобрасумленнага падыходу яго ўдзельнікаў.
Васкрасенскі: Адкрываецца неба — і Алесь Бяляцкі адразу выходзіць31
Каментары