У Энгельсе Саратаўскай вобласці пасля атакі БПЛА пяты дзень гарыць нафтабаза
Губернатар Саратаўскай вобласці Раман Бусаргін заявіў 12 студзеня, што ў Энгельсе ўсё яшчэ тушаць пажар, які ўзнік на прамысловым прадпрыемстве пасля нападу ўкраінскіх беспілотнікаў 8 студзеня. Паводле СМІ, гарыць сховішча авіяцыйнага паліва для авіябазы.
«Працягваецца працэс кантраляванага выгарання паліва. Спецыялісты ў кругласутачным рэжыме прымаюць усе неабходныя меры для ліквідацыі», — напісаў Бусаргін у тэлеграм-канале пасля пасяджэння аператыўнага штаба.
Губернатар адзначыў, што «колькасць дыму, як і плошча пажару, зніжаецца», а паветра ў норме.
Украінскія беспілотнікі атакавалі Энгельс Саратаўскай вобласці ў ноч на 8 студзеня, адбыўся моцны пажар.
Па даных СМІ, пажар адбыўся на нафтабазе камбіната «Крышталь» Расрэзерву. Пры тушэнні пажару загінулі двое ратавальнікаў МНС, адзін шпіталізаваны з цяжкімі апёкамі. У Энгельсе дзейнічае рэжым надзвычайнай сітуацыі.
Беларус набыў кватэру ў Іспаніі, але яе занялі акупасы. Цяпер ён не можа яе вярнуць44
Каментары