Канцылярыя Нетаньяху: Без спісу вызваленых закладнікаў спыненне агню не пачнецца
Канцылярыя кіраўніка ўрада Ізраіля Беньяміна Нетаньяху апублікавала паведамленне, згодна з якім прэм'ер у ноч на нядзелю правёў ацэнку сітуацыі перад пачаткам вызвалення закладнікаў, якіх ХАМАС абавязаўся вызваліць у першы дзень спынення агню, піша Newsru.co.il.
Кіраўнік урада даў ЦАХАЛ загад не пачынаць рэжым спынення агню а 8:30, як прадугледжана пагадненнем, пакуль ХАМАС не выканае сваё абавязанне і не прадаставіць спіс вызваляемых у першы дзень закладнікаў.
Раней паведамлялася, што на першым этапе будуць вызваленыя 33 закладнікі, якія ўтрымліваюцца ХАМАС і яго саюзнікамі з 7 кастрычніка 2023 года, у тым ліку жанчыны, дзеці, мужчыны старэйшыя за 50 гадоў і параненыя. Ізраіль, у сваю чаргу, павінен вызваліць «многія сотні» палесцінскіх зняволеных, у тым ліку палесцінцаў, асуджаных за забойства ізраільцян.
Палесцінскім цывільным асобам у Газе будзе дазволена свабодна вярнуцца на поўнач сектара, будуць прынятыя «меры бяспекі», якія не маюць канкрэтных тэрмінаў. Ізраільскія вайскоўцы пачнуць выводзіць войскі з населеных пунктаў на першым этапе, але застануцца ўздоўж мяжы паміж Газай і Егіптам. Ізраіль таксама захавае буферную зону ўнутры Газы ўздоўж мяжы.
Нягледзячы на тое, што тэрарысты абавязаліся прадаставіць імёны вызваляемых закладнікаў за 24 гадзіны да іх вызвалення, гэтую ўмову ХАМАС не выканаў, тлумачачы гэта «лагістычнымі цяжкасцямі».
Каментары