Ніводзін з сямі кандыдатаў на пасаду генеральнага сакратара ААН не атрымаў падтрымкі ўсіх пастаянных членаў Рады бяспекі
Чарговае папярэдняе галасаванне пройдзе на наступным тыдні. Магчымае і вылучэнне новых кандыдатаў.
Падчас папярэдняга галасавання 16 кастрычніка кожны з сямі прэтэндэнтаў на пасаду генеральнага сакратара ААН сутыкнуўся з пярэчаннямі як мінімум аднаго пастаяннага члена Рады бяспекі ААН. Пра гэта паведамляе «Новая газета Еўропа» са спасылкай на AP.
Правам вета валодаюць ЗША, Расія, Кітай, Вялікабрытанія і Францыя.
Першае месца захавала генеральная сакратарка гандлю і развіцця ААН Рэбека Грынспан з Коста-Рыкі. Яна атрымала дзевяць галасоў у падтрымку і пяць супраць, у тым ліку два ад пастаянных членаў Рады бяспекі.
Па два галасы супраць ад пастаянных членаў таксама атрымалі кіраўнік МАГАТЭ Рафаэль Гросі з Аргенціны і прадстаўніца Гаяны пры ААН Каралін Радрыгес-Біркет. Іх таксама называюць сярод найбольш верагодных кандыдатаў.
Паводле паведамленняў амерыканскіх СМІ, Вашынгтон выступае супраць усіх сямі прэтэндэнтаў на пасаду генеральнага сакратара.
Гэта быў шосты папярэдні раўнд. Кожны з 15 членаў Рады бяспекі мог падтрымаць кандыдата, выступіць супраць або не выказваць свайго меркавання.
Упершыню выкарыстоўваліся розныя бюлетэні для пастаянных і непастаянных членаў, што дазволіла вылучыць пазіцыі краін, якія маюць права вета.
Адмоўны голас на гэтым этапе яшчэ не азначае фармальнага вета. Краіны могуць змяніць сваю пазіцыю ў наступных раўндах.
Паводле звестак AP, чарговае папярэдняе галасаванне пройдзе на наступным тыдні. Магчымае і вылучэнне новых кандыдатаў.
Каб атрымаць рэкамендацыю Рады бяспекі, прэтэндэнт павінен набраць як мінімум дзевяць галасоў і не сутыкнуцца з вета з боку пастаянных членаў. Пасля гэтага кандыдатуру зацвярджае Генеральная асамблея ААН.
Другі пяцігадовы тэрмін паўнамоцтваў дзейнага генеральнага сакратара Антоніу Гутэрышa заканчваецца 31 снежня 2026 года.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім2
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары