Калі рэквізіты калі-небудзь фігуравалі ў злачынных схемах, кліент не зможа завяршыць аперацыю
Самы буйны беларускі банк запусціў механізм праверкі рэквізітаў з-за махляроў, паведамілі ў афіцыйным тэлеграм-канале фінустановы. З дапамогай гэтага механізму яны змогуць вызначаць карткі і рахункі з нядобранадзейнымі рэквізітамі, якія ашуканцы маглі выкарыстоўваць для вываду выкрадзеных грошай.
«Калі рэквізіты калі-небудзь фігуравалі ў злачынных схемах, кліент не зможа завяршыць аперацыю», — гаворыцца ў паведамленні.
Пры гэтым кліент банка атрымае наступнае апавяшчэнне: «грашовы перавод па ўказаных вамі рэквізітах немагчымы ў сувязі з наяўнасцю ў банка прыкмет несанкцыянаванага пераводу (магчымым махлярствам)».
Як падкрэслілі ў банку, перавесці грошы на гэты рахунак або картку можна будзе, але толькі пасля правядзення разбору праваахоўнымі органамі.
Каментары
"конт" - ужываецца тольки щ перанрснм сэнсе
У банку - "рахунак"