Крэмль пракаментаваў заяву амерыканскага тэлевядоўцы Такера Карлсана аб замаху на прэзідэнта Расіі Уладзіміра Пуціна.
Прэс-сакратар Пуціна Дзмітрый Пяскоў паведаміў, што расійскія спецслужбы «прымаюць усе неабходныя меры для бяспекі кіраўніка дзяржавы». Яго словы цытуе «Інтэрфакс».
Пяскова папрасілі пракаментаваць словы Карлсана аб тым, што замах на Пуціна рыхтавала адміністрацыя былога прэзідэнта ЗША Джо Байдэна. Крэмль адмовіўся прадметна абмяркоўваць гэтую тэму і згадваць Вашынгтон, як вынікае з паведамленняў расійскіх інфармагенцтваў.
Пра падрыхтоўку замаху на Пуціна адміністрацыяй Байдэна былы вядоўца канала Fox Карлсан заявіў у апошнім выпуску свайго падкаста. Ён не паведаміў ніякіх дэталяў і не назваў крыніц сваёй інфармацыі, але ахарактарызаваў магчымую падрыхтоўку як «шаленства». Карлсан не ўдакладніў, ці ведаў аб магчымых планах сам Байдэн.
Вашынгтон яго заяву не каментаваў.
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк44
Каментары
Маўляў глядзі Валодзя, Байдэн цябе забіці хацеў.
А я не такі, я гатовы задаволіцца згвалтаваннем. Давай, станавіся на карачкі.