Беларускі дзяржаўны медыцынскі ўніверсітэт разам з навукова-тэхналагічным паркам БНТУ «Палітэхнік» распрацаваў спецыяльную капу ад храпу. Пра гэта ў эфіры СТБ распавяла доктарка медыцынскіх навук, прафесар кафедры перыяданталогіі БДМУ Юлія Дзянісава.
Капу надзяваюць на зубы. Яна акуратна вылучае ніжнюю сківіцу наперад. Дзякуючы гэтаму падчас сну пацыент лепш дыхае і не храпе.
Беларуская інавацыя заключаецца ў тым, што ў капе ёсць вінт. Ён дазваляе рухаць ніжнюю сківіцу нават падчас сну.
З дапамогай капы можна пазбавіцца ад храпу без аперацыі. Храп — гэта вельмі небяспечны стан, які прыводзіць да спынення дыхання падчас сну.
Юлія Дзянісава адзначыла, што па гэта прыстасаванне звяртаюцца і людзі з іншых краін. Напрыклад, нядаўна на кафедру прыйшла пацыентка з Хабараўска з просьбай зрабіць ёй такую капу. З-за храпу ў яе разбуралася асабістае жыццё. Зараз усё наладзілася — у тым ліку дзякуючы таму, што чалавек пазбавіўся ад храпу з дапамогай капы.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары