Перамовы аб міры ва Украіне з камандай Дональда Трампа будуць весці памочнік прэзідэнта па знешняй палітыцы Юрый Ушакоў, дырэктар Службы знешняй разведкі Сяргей Нарышкін і кіраўнік Расійскага фонду прамых інвестыцый Кірыл Дзмітрыеў, які жанаты з сяброўкай малодшай дачкі Уладзіміра Пуціна. Пра гэта піша Bloomberg са спасылкай на свае крыніцы.
Агенцтва Bloomberg называе перамоўшчыкаў, якіх нібыта збірае Уладзімір Пуцін, «камандай цяжкавагавікоў з шматгадовым вопытам вядзення перамоў».
Юрый Ушакоў быў пастаянным прадстаўніком Расіі пры АБСЕ ў 1996-1998 гадах, а з 1998 па 2008 год — паслом у ЗША. З 2008 па 2012 год ён займаў пасаду намесніка кіраўніка апарата ўрада, а з 2012 года — памочнік Пуціна па знешняй палітыцы. Ён удзельнічаў у перамовах з Украінай у 2022 годзе.
Сяргей Нарышкін — даўні знаёмы Пуціна, які пазнаёміўся з цяперашнім расійскім прэзідэнтам у 1980 годзе ў Ленінградскім упраўленні КДБ. З 2016 года ён узначальвае Службу знешняй разведкі і таксама ўдзельнічаў у перамовах з Украінай у 2022 годзе.
Кірыл Дзмітрыеў узначальвае Расійскі фонд прамых інвестыцый (РФПІ) і ўваходзіць у праўленне «Інапрактыкі», якую ўзначальвае малодшая дачка Пуціна Кацярына Ціханава. Ён жанаты з сяброўкай Ціханавай Наталляй Паповай, гэтае сяброўства зрабіла яго ўплывовым у Крамлі, пісала Financial Times.
Дзмітрыеў, як пісаў Reuters са спасылкай на крыніцы, удзельнічаў у перамовах аб вызваленні асуджанага ў Расіі і выдадзенага на гэтым тыдні ЗША амерыканскага настаўніка Марка Фогеля.
Па словах суразмоўцы Bloomberg, іншыя ўдзельнікі перамоўнай групы 2022 года могуць далучыцца да новых перамоў пазней. Яны будуць у асноўным дапамагаць у перамовах з прадстаўнікамі Украіны, сярод іх можа быць памочнік прэзідэнта Расіі Уладзімір Мядзінскі, сказала крыніца.
13 лютага Дональд Трамп заявіў пра неадкладны пачатак перамоў аб міры ва Украіне. Пазней ён удакладніў, што на наступным тыдні ў Саудаўскай Аравіі запланаваная сустрэча прадстаўнікоў ЗША, Расіі і Украіны.
Віцэ-прэзідэнт ЗША: Ва Украіну могуць увесці амерыканскія войскі, калі Масква будзе зрываць перамовы
Кіраўнік Пентагона: Прыняць рэальнасць — не значыць ісці на саступкі Пуціну
Прэзідэнт Літвы: Ніякіх перамоў без Украіны — гэта пытанне прынцыпу
Украіна павінна паслаць Трампа за расійскім вайсковым караблём — крыніца The Times у Мінабароны Брытаніі
«Мне здаецца, што я ў большай рэальнасці знаходжуся». Зяленскі падзяліўся падрабязнасцямі сваёй учарашняй размовы з Трампам
Пасля размовы Трампа з Пуціным еўрапейскія палітыкі выступілі з агульнай заявай па Украіне
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Каментары