Грамадства1313

Ад сакавіка вяшчанне «Белсата» складзе дзевяць гадзін, з якіх тры — начное вяшчанне

20 лютага на супольным пасяджэнні Камітэта па замежных справах і Камітэта па культуры і СМІ польскага Сейма адбыліся слуханні, прысвечаныя сітуацыі на тэлеканале «Белсат», паведамляе reform.news.

Мацей Урубель, Аліна Коўшык і Міхал Бранятоўскі. Скрыншот трансляцыі.

Інфармацыю паведамлялі прадстаўнікі Міністэрства культуры і нацыянальнай спадчыны, Міністэрства замежных спраў, а таксама генеральны дырэктар ліквідаванага TVP SA.

У дыскусіі ўдзельнічалі польскія парламентарыі, амбасадары і запрошаныя госці, сярод якіх:

Агнешка Рамашэўская — былая дырэктарка «Белсата»; прадстаўнікі журналісцкіх арганізацый — спікер Рады нацыянальных медыя Польшчы Ёана Ліхоцка і старшыня Саюза польскіх журналістаў Ёаланта Хайдаж; каля дваццаці дэпутатаў Сейма; новыя кіраўнікі «Белсата» — Міхал Бранятоўскі і галоўная рэдактарка беларускай рэдакцыі Аліна Коўшык. Слуханні вёў Павел Коваль, кіраўнік Камітэта па замежных справах Сейма.

Дзяржаўны сакратар Міністэрства культуры і нацыянальнай спадчыны Мацей Урубель прэзентаваў дзейнасць «Белсата»

Паводле яго слоў, тэлеканал належаў польскаму тэлебачанню TVP і фінансаваўся на 65% са сродкаў Міністэрства замежных спраў Польшчы, на 5% — з вонкавых датацый, а астатнія выдаткі пакрывала польскае тэлебачанне.

За 18 гадоў польскі МЗС выдаткаваў на «Белсат» 441 млн злотых (у сённяшніх варунках гэта 105,8 млн еўра).

На 2025 год фінансаванне «Белсата» застанецца нязменным — 54 млн злотых (сёння 12,9 млн еўра), але гэтыя сродкі будуць падзеленыя на тры часткі: «Белсат», аўтаномнае расійскае вяшчанне «Вот так», украінскую службу Slawa TV.

Паводле Урубеля, на «Белсаце» адбылася аптымізацыя і скарачэнне празмерных выдаткаў, якія па некаторых пазіцыях дасягалі 40%. Гэта палепшыла якасць праграм і дазволіла захаваць іх разнастайнасць.

Захоўваецца колькасць публіцыстычных праграм, пашыраецца інфармацыйны складнік.

Штат супрацоўнікаў скарачаецца з 320 да 260, з якіх 70 — новыя супрацоўнікі ўкраінскай рэдакцыі. Гэта азначае, што колькасць супрацоўнікаў «Белсата» і «Вот так» фактычна скарачаецца з 320 да 190 (згодна з данымі Reform.news).

Мацей Урубель таксама паведаміў, што, пачынаючы з 3 сакавіка, стартуе вяшчанне трох рэдакцый: беларускай, расейскай і ўкраінскай.

Вяшчанне рэдакцыі «Белсат» складзе 9 гадзін, тры з якіх — гэта начное вяшчанне, якое складаецца з паўтораў праграм. «Вось так» будзе вяшчаць 8 гадзін (2 — ноччу), Slawa TV — 7 (1 — ноччу).

Таксама ўводзіцца 2-х гадзінная праграма ў суботу і нядзелю «Раніца з Белсатам», а жывы навінавы выпуск павялічваецца з паўгадзіны да гадзіны.

Чытайце болей на Reform.news

Каментары13

  • Pcič
    21.02.2025
    Нічога не зразумееш. Белсат гэта новая беларуская рэдакцыя ці нешта трыадзінае? А раней Белсат меў і беларускую і расейскую часткі , але адзін вялікі бюджэт? Цяпер новая беларуская рэдакцыя цалкам беларускамоўная ці "вы жа самі разумееце так гістарычна склалася"?
  • Пціч
    21.02.2025
    Жора, айвой! Дык увесь гэны вінегрэт на адной частаце?!
  • СВЯТА?
    21.02.2025
    "Паводле Урубеля, на «Белсаце» адбылася аптымізацыя і скарачэнне празмерных выдаткаў, якія па некаторых пазіцыях дасягалі 40%. Гэта палепшыла якасць праграм і дазволіла захаваць іх разнастайнасць."

    Скарачэнне - гэта новае развіццё. Лявончык ужо начырыкаў новы пост пра тое, як добра, што развалілі гэты пісаўскі праект?

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

Звязаныя з ФСБ хакеры пачалі новую серыю атак на журналістаў і палітыкаў па ўсім свеце

«На жаль, многія людзі нават не ведаюць слова «барэльеф». Як беларуска робіць творы мастацтва з гіпсу1

Палітолаг Аліна Харысава выходзіць замуж за Данілу Багдановіча з «Чорнай кнігі Беларусі»58

«Шантажавалі «будучым вашай жонкі і станам яе мамы». Муж асуджанай на 10 гадоў Вольгі Харламавай расказаў пра спробы вярбоўкі з боку КДБ8

BepiColombo даляцеў да Меркурыя — пасля васьмі гадоў падарожжа ў космасе ён выйдзе на арбіту гэтай загадкавай планеты5

У Гомельскім маладзёжным тэатры Караткевіча паказваюць па-руску15

Высветлілася галоўная прычына звальнення Джэнсэна Хуанга з Nvidia4

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць