У Дагестане маці прыкавала дачку-школьніцу да батарэі, калі дзяўчынка паскардзілася на групавое згвалтаванне
Школьніца прасядзела на ланцугу некалькі дзён і вызвалілася толькі дзякуючы кемлівасці.
У Дагестане бацькі прычапілі 15-гадовую дачку да батарэі. Дзяўчынка правяла на ланцугу некалькі дзён.
Падлетка замкнулі ў здымнай кватэры дзядзькі ў горадзе Кізілюрце. Школьніца выратавалася дзякуючы пульту ад тэлевізара і кемлівасці: яна прымацавала да яго запіску з просьбай аб дапамозе і выкінула прыладу ў акно, піша Mash.
Праз гадзіну пульт знайшла жанчына, якая праходзіла побач з домам, і звярнулася ў паліцыю. Дзяўчынку вызвалілі сілавікі. Паводле слоў школьніцы, на ланцуг яе пасадзілі бацькі. Школьніца расказала маці, што на працягу двух гадоў яе гвалцілі знаёмыя. У адказ сваякі назвалі яе «ганьбай сям'і» і прыкавалі да батарэі.
Блізкія кажуць, што прыкавалі школьніцу, бо яна часта сыходзіла з дому, быццам ганьбіла сям'ю і вяла непрыстойны лад жыцця. Такім чынам яны вырашылі падлетка «перавыхаваць».
Пасля вызвалення палоннай Следчы камітэт Расіі распачаў крымінальную справу.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары