Белы дом апублікаваў заяву па выніках прэс-канферэнцыі Трампа і Зяленскага
Асноўная частка апублікаванай заявы складаецца з дадатковых аргументаў да выказванняў, якія Трамп ужо агучыў падчас прэс-канферэнцыі. Называецца тэкст «Прэзідэнт Трамп і віцэ-прэзідэнт Вэнс выступаюць на баку амерыканцаў».
«Прэзідэнт Дональд Трамп і віцэ-прэзідэнт Джэй Дзі Вэнс заўсёды будуць адстойваць інтарэсы амерыканскага народа і тых, хто паважае пазіцыю Злучаных Штатаў у свеце, і ніколі не дазволяць выкарыстоўваць амерыканскі народ у сваіх інтарэсах», — сказана напачатку заявы.
Скрыншот: Белы дом
Далей у тэксце паўтараюцца цытаты Трампа і Вэнса з прэс-канферэнцыі:
- «Дазвольце мне сказаць вам, што ў вас няма козыраў. З намі ў вас ёсць козыры, але без нас у вас няма ніякіх козыраў».
- «Вы гуляеце з Трэцяй сусветнай вайной»
- «Я даў вам «Джавеліны», каб знішчыць усе гэтыя танкі. Абама даў вам прасціны».
- «У кастрычніку вы ездзілі ў Пенсільванію і праводзілі кампанію ў падтрымку апазіцыі».
Пад кожную цытату Белы дом дадаў розны набор фактаў, у падмацаванне выказванняў.
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі27
Каментары