Прэм'ер-міністр Польшчы Дональд Туск заявіў перад вылетам на саміт у Лондан, што Украіна можа разлічваць на падтрымку яго краіны без якіх-небудзь дадатковых умоў.
Існуе «пэўная дылема ў тым, што пазіцыя ЗША па Украіне» не такая адназначная, як наша», сказаў Туск. «Але мы павінны гэтую дылему пераадолець», — дадаў ён, падкрэсліўшы, што цяпер у Польшчы выдатныя адносіны з ЗША, і яна будзе ўмацоўваць іх у далейшым.
Польшча пры гэтым стаіць на баку Украіны «без якіх-небудзь «але», заявіў Туск.
Ён таксама адзначыў, што падчас саміту прапануе павялічыць колькасць еўрапейскіх войскаў на ўсходнім флангу ЕС — у Фінляндыі, краінах Балтыі і Польшчы.
«Удумайцеся, як гэта гучыць: 500 млн еўрапейцаў просяць 300 млн амерыканцаў, каб яны абаранілі іх ад 130 млн расейцаў», — падкрэсліў Туск.
Пасля пачатку расійска-ўкраінскай вайны Польшча заставалася адным з самых адданых саюзнікаў Украіны. Сярод іншага праз тэрыторыю гэтай краіны паступае заходняя вайсковая падтрымка Кіеву, Польшча таксама прыняла блізу мільёна ўкраінскіх уцекачоў.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары
Ну хоць нехта не проста кажа, а прапануе рэальныя дзеянні.
Хаця... Гэта ж ізноў не справы, а толькі словы. Прапановы.