Premjer-ministr Polščy Donald Tusk zajaviŭ pierad vyletam na samit u Łondan, što Ukraina moža raźličvać na padtrymku jaho krainy bieź jakich-niebudź dadatkovych umoŭ.
Isnuje «peŭnaja dylema ŭ tym, što pazicyja ZŠA pa Ukrainie» nie takaja adnaznačnaja, jak naša», skazaŭ Tusk. «Ale my pavinny hetuju dylemu pieraadoleć», — dadaŭ jon, padkreśliŭšy, što ciapier u Polščy vydatnyja adnosiny z ZŠA, i jana budzie ŭmacoŭvać ich u dalejšym.
Polšča pry hetym staić na baku Ukrainy «bieź jakich-niebudź «ale», zajaviŭ Tusk.
Jon taksama adznačyŭ, što padčas samitu prapanuje pavialičyć kolkaść jeŭrapiejskich vojskaŭ na ŭschodnim fłanhu ES — u Finlandyi, krainach Bałtyi i Polščy.
«Udumajciesia, jak heta hučyć: 500 młn jeŭrapiejcaŭ prosiać 300 młn amierykancaŭ, kab jany abaranili ich ad 130 młn rasiejcaŭ», — padkreśliŭ Tusk.
Paśla pačatku rasijska-ŭkrainskaj vajny Polšča zastavałasia adnym z samych addanych sajuźnikaŭ Ukrainy. Siarod inšaha praz terytoryju hetaj krainy pastupaje zachodniaja vajskovaja padtrymka Kijevu, Polšča taksama pryniała blizu miljona ŭkrainskich uciekačoŭ.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Nu choć niechta nie prosta kaža, a prapanuje realnyja dziejańni.
Chacia... Heta ž iznoŭ nie spravy, a tolki słovy. Prapanovy.